Esikiel 28:21 - Pijin Bible

²¹ “Man blong graon. Luk go long taon long Saedon, an talemaot disfala profesi agensim hem.

Pijin Deuterocanon

²¹ “Man blong graon. Luk go long taon long Saedon, an talemaot disfala profesi agensim hem.

Esikiel 28:21 ပူးပေါင်းရင်းမြစ်များ

Jenesis 10:15

An tufala pikinini boe blong Kenan, nem blong tufala nao hemi, Saedon wea hemi fasbon blong hem, an Het. An olketa laen wea i kamaot bihaen long tufala ya olketa garem nem blong tufala.

Jenesis 10:19

An graon blong olketa ya hemi gohed fo kamap bikfala tumas, an hemi go kasem taon ya wea olketa kolem Saedon long not, an hemi go kasem taon ya wea olketa kolem Gerara, kolsap long taon ya wea olketa kolem Gesa long saot, an hemi go kasem olketa taon ya wea olketa kolem Sodom, an Gomora, an Adma, an Seboeim, kolsap long Lasa, wea olketa stap long saet long ist.

Aesaea 23:12

Ya, Yawe nao hemi tok olsem, “!Olketa pipol blong Saedon! Bifoa, yufala i hapi, bat gudfala taem blong yufala ya hemi finis nao. Distaem yufala stap nao andanit long paoa blong olketa enemi blong yufala. An sapos yufala laek fo ranawe, nomata yufala go kasem Saepras, bat bae yufala nating save stap gudfala nomoa.”

Jeremaea 25:22

an olketa king blong Taea an Saedon, an olketa king blong olketa ples raonem Mediterenian Si.

Jeremaea 27:3

Yu givim toktok blong mi long olketa mesenja hu i kam long Jerusalem fo lukim King Sedekaea blong Jiuda, mekem olketa go talemaot long olketa king blong olketa long Idom, an long Moab, an long Amon, an long Taea, an long Saedon.

Jeremaea 47:4

Taem hemi kam nao fo spoelem finis olketa pipol blong Filistia. Ya, bae Yawe hemi kilim dae olketa ya hu i kamaot long aelan long Krit bifoa. Bae hemi duim olsem, mekem olketa no save helpem tufala taon long Taea an Saedon long Fonisia.

Esikiel 21:2

“Man blong graon. Luk go long Jerusalem an tok agensim Tambuples ya long hem. Yu mas talemaot profesi agensim olketa long lan blong Israel olsem,

Esikiel 25:2

“Man blong graon. Luk go long kantri blong Amon, an talemaot profesi agensim olketa pipol blong hem.

Esikiel 27:8

Olketa man from tufala taon long Saedon an Avad nao i pul long olketa bikfala padol mekem yu save go. Olketa hu i barava savegud tumas long waka blong olketa i kru blong yu.

Esikiel 28:20

Yawe hemi talemaot Mesij blong hem long mi. Hemi tok olsem,

Esikiel 29:2

“Man blong graon. Luk go long kantri blong Ijip, an yu talemaot disfala profesi agensim king ya wetem olketa pipol long hem.

Esikiel 32:30

“An evri bikman long not wetem pipol blong bikfala taon long Saedon, i godaon long ples ya. Nomata olketa bin garem bikfala paoa an mekem olketa pipol barava fraet tumas, olketa dae finis olsem wael dog an stap insaet long grev nao. Distaem olketa sem fogud, an godaon nao long grev wetem olketa hu i dae olsem wael dog long faet.

Esikiel 6:2

“Man blong graon. Luk go long olketa maonten ya blong Israel, an talemaot disfala profesi blong mi agensim olketa.

Sekaraea 9:2

An lan long Hamat wea baondri blong hem hemi stat long Hadrak, disfala Mesij hemi agensim tu disfala lan wetem tufala taon long Taea an Saedon, nomata olketa pipol blong tufala taon ya i waes tumas.

Josua 19:28

an Abdon, an Rehob, an Hamon, an Kana, an go muv go moa fo kasem bikfala taon long Saedon.

Josua 19:29

Disfala spialaen ya hemi tane go moa long Rama, an go kolsap long taon long Taea wea bikfala wolston nao hemi goraonem. Spialaen ya hemi tane go long Hosa an go-go hemi en long Mediterenian Si. Olketa narafala taon moa wea i stap insaet long eria ya nao: Mahalab, an Aksib,

Josua 19:30

an Uma, an Afek an Rehob. Tuenti-tu taon wetem olketa vilij raonem olketa i stap long datfala eria.