Esikiel 27:23 - Pijin Bible

²³ “Olketa taon long Haran, an Kane, an Iden, an olketa bisnisman blong Seba, an tufala taon long Asua an Kilmad, olketa evriwan gohed fo mekem bisnis wetem yu.

Pijin Deuterocanon

²³ “Olketa taon long Haran, an Kane, an Iden, an olketa bisnisman blong Seba, an tufala taon long Asua an Kilmad, olketa evriwan gohed fo mekem bisnis wetem yu.

Esikiel 27:23 ပူးပေါင်းရင်းမြစ်များ

Jenesis 10:10

Fastaem, ples wea hemi gohed fo bikman long hem hemi kavaremap trifala taon wea olketa kolem Babilon an Erek an Akad, wea trifala stap long kantri ya wea olketa kolem Sinaa.

Jenesis 10:22

Olketa pikinini boe blong Siem, nem blong olketa nao hemi, Elam, an Asua, an Afaksad, an Lud, an Aram. An olketa laen wea i kamaot bihaen long olketa, olketa gohed fo garem olketa nem ya.

Jenesis 10:28

an Obal, an Abimael, an Seba,

Jenesis 12:4

Long taem ya wea Ebram hemi kasem seventi-faev yia, nao Yawe hemi talem hem fo lusim ples ya wea olketa kolem Haran. Hemi tekem waef blong hem Sarae, an Lot wea hemi pikinini blong brata blong Ebram, wetem olketa slev blong olketa, an evrisamting wea olketa bin garem long taem ya wea olketa stap long Haran. Nao olketa evriwan i lusim Haran, fo go long kantri ya wea olketa kolem Kenan. Nao taem olketa kasem Kenan,

Jenesis 2:8

Nao long saet long ist, long wanfala ples wea nem blong hem Iden, Yawe hemi mekredi long wanfala gudfala ples, an hemi tekem man ya wea hemi bin mekem, an hemi putum fo hemi stap long hem.

Jenesis 25:3

Joksan ya hemi dadi blong Seba an Dedan, an olketa laen wea i bon kam long laen blong Dedan, nao olketa laen blong Asua, an olketa laen blong Letus, an olketa laen blong Leum.

Jenesis 32:22

Nao long naet ya, Jekob hemi getap, an hemi tekem tufala waef blong hem, wetem tufala slev woman blong tufala, an olketa levenfala pikinini blong hem, nao olketa lusim ples ya fo krosim Jabok Riva ya, nao hemi tekem olketa an katkros go long narasaet.

2 Kings 19:12

Olketa king blong Asiria bifoa i bin spoelem finis olketa taon long Gosan, an Haran, an Resef, an olketa bin kilim dae finis olketa pipol blong Eden wea i stap long Telasa. Olketa god blong olketa pipol ya i no save sevem olketa.

Stori abaotem Job 1:15

Seknomoa, samfala man blong Seba i kam an faetem mifala nao. An olketa kilim dae evri wakaman blong yu an tekem go evri animol blong yu fo olketa nao. Mi seleva nomoa mi ranawe kam fo talem yu.”

Sams 83:8

An olketa pipol long Asiria tu i joen wetem olketa, bikos olketa saet wetem olketa laen blong Amon an olketa pipol long Moab hu i laen blong Lot.

Aesaea 10:9

Olketa winim finis olketa taon long Kakemis, an Kalno, an Apad, an Hamat, an Damaskas, an Samaria.

Aesaea 37:12

Olketa king blong Asiria bifoa i bin spoelem finis olketa taon long Gosan, an Haran, an Resef, an olketa bin kilim dae finis olketa pipol blong Eden wea i stap long Telasa. Olketa god blong olketa pipol ya i no save sevem olketa.

Aesaea 7:18

“Long datfala taem, bae Yawe hemi kolem ami blong Ijip wea bae hemi kam from evri ples long lan ya. Olketa i staka fogud olsem olketa flae. An bae hemi kolem tu ami blong Asiria. Bae olketa kam olsem olketa hani bi fo spoelem an kilim dae olketa pipol.

Aesaea 7:20

“Long datfala taem, bae Lod Yawe hemi kolem olketa blong Asiria wea yu bin haerem fo gadem kantri blong yu. Bae hemi yusim olketa olsem resa fo spoelem lan an olketa gaden an olketa pipol long kantri blong yu. Ya, hemi olsem wea olketa resam hea long hed blong yufala an long bodi blong yufala wetem biad blong yufala fo mekem yufala sem long hem.

Esikiel 27:24

Olketa salem long yu evri gudfala kaleko wea hemi dia tumas, an olketa barava spesol kaleko wea hemi papol, an olketa kaleko wea olketa somap olketa piksa long hem fo dekoretem. An olketa salem long yu olketa mat fo putum long floa, wea kala blong olketa hemi luknaes fogud wea olketa somap olketa smolfala rop long saet blong olketa mekem hemi strong. Hem nao olketa samting wea olketa salem long yu.

Esikiel 32:22

“Olketa blong Asiria i godaon finis tu long ples blong man dae. Olketa hu i dae long faet nao, grev blong olketa hemi stap raonem, an olketa leidaon barava dip insaet long ples ya blong man dae. Evriwan ya hu i save mekem pipol barava fraet tumas taem olketa laef yet, olketa nao i dae long faet an leidaon long olketa grev ya.

Esikiel 38:13

“King Gog. Long datfala taem, olketa blong Seba an Dedan an olketa bisnisman blong Spen bae i askem yu olsem, ‘?Waswe, yu redim finis olketa soldia blong yu fo faet? ?Yu laek fo tekem evrisamting blong disfala kantri fo yu? Mifala luksave dat yu laek fo tekem olketa silva, an gol, an olketa animol, an evri narafala samting nomoa fo yu.’

Emos 1:5

Bae mi brekem olketa geit long bikfala wolston blong taon long Damaskas. Bae mi kilim dae evriwan, stat long olketa pipol go-go kasem king, an evriwan, stat long Aven vali go-go kasem taon long Bet-Eden. An bae mi fosim olketa pipol blong Siria fo lusim lan blong olketa an gobaek long Kia wea hemi lan blong olketa olo grani blong olketa bifoa.? Hem nao toktok blong Yawe.

Emos 6:2

Sapos yufala go lukim fastaem taon long Kalne an bikfala taon long Hamat, an go lukim tu bikfala taon long Gat long Filistia. Bae yufala save lukim dat no eniwan long olketa hemi strong moa o bik moa winim yufala long Israel an Jiuda.

Aposol 7:4

So Ebraham hemi lusim kantri blong olketa Kaldia an hemi go fo stap long Haran fastaem. An bihaen dadi blong hem hemi dae finis, God hemi mekem hem muv kam long disfala kantri wea yufala stap long hem distaem.