Esikiel 27:13 - Pijin Bible

¹³ “Olketa blong olketa kantri long Gris, an Tubal, an Mesek i gohed fo mekem bisnis wetem yu, bikos olketa salem olketa slev an olketa samting wea olketa mekem long bras fo olketa gudfala samting wea yu garem.

Pijin Deuterocanon

¹³ “Olketa blong olketa kantri long Gris, an Tubal, an Mesek i gohed fo mekem bisnis wetem yu, bikos olketa salem olketa slev an olketa samting wea olketa mekem long bras fo olketa gudfala samting wea yu garem.

Esikiel 27:13 ပူးပေါင်းရင်းမြစ်များ

Jenesis 10:2

Olketa laen blong Jafet, nem blong olketa nao hemi, Goma, an Megog, an Madae, an Javan, an Tubal, an Mesek, an Tiras. An olketa laen wea olketa gohed fo garem olketa nem ya olketa bon kam long laen blong olketa ya.

Jenesis 10:4

An olketa laen blong Javan, nem blong olketa nao hemi, Elisa, an Spen, an Saepras, an Roj.

1 Kronikols 1:5

Olketa san blong Jafet i olsem: Goma, an Megog, an Madae, an Javan, an Tubal, an Mesek, an Tiras.

1 Kronikols 1:7

An olketa long laen blong Javan i olsem: Elisa, an olketa hu i stap long Spen, an Saepras, an Roj.

Sams 120:5

Hemi barava nogud tumas sapos mi stap wetem yufala. Bae hemi barava nogud olsem sapos mi stap kam farawe wetem olketa raf hiden pipol long narafala kantri long Mesek o long Kedaa.

Aesaea 66:19

Bae olketa save dat mi nao mi somaot olketa samting ya mekem olketa lukim. Bat olketa hu i laef yet, bae mi sendem olketa go long olketa farawe kantri olsem long Spen, an long Libia, an long Lidia wea olketa man long hem i save faet long bou, an long Tubal, an long Gris, wea olketa pipol i no herem yet nem blong mi, an i no lukim yet saen long bikfala paoa blong mi. An bae olketa talemaot abaotem bikfala paoa blong mi.

Esikiel 27:12

“Olketa blong kantri long Spen gohed fo mekem bisnis wetem yufala, bikos yufala garem plande gudfala samting fo salem long olketa. Olketa tekem kam silva, an aean, an tin, an led fo sensim long olketa gudfala samting blong yufala.

Esikiel 32:26

“An pipol blong tufala kantri long Mesek an Tubal tu i stap nao. Raonem olketa, olketa grev blong evri soldia blong tufala hu i dae long faet nao i stap. Olketa ya evriwan i dae nomoa olsem wael dog. Olketa evriwan i dae long faet, bikos taem olketa laef yet, olketa gohed fo mekem olketa pipol barava fraet tumas.

Esikiel 39:1

Yawe hemi tok moa olsem long mi, “Man blong graon. Talemaot disfala profesi long King Gog wea mi Lod Yawe nao mi tok olsem: King Gog, king blong olketa long laen blong Mesek, an laen blong Tubal, mi nao mi agensim yu.

Daniel 10:20

An hemi tok olsem moa, “?Waswe, yu save long ka-kam blong mi ya long yu? Mi kam fo somaot long yu olketa samting wea olketa raetem insaet long Buk ya blong Trutoktok. Bat distaem, mi mas gobaek fo faetem disfala ravis enjel ya wea hemi lukaftarem olketa pipol blong Pesia. Long bihaen, narafala ravis enjel wea hemi gohed fo lukaftarem olketa pipol blong Gris bae hemi kam. Bat enjel Maekol hu hemi gohed fo lukaftarem yufala blong Israel, hem nomoa hemi helpem mi.”

Daniel 11:2

An distaem, bae mi talemaot disfala tru samting. Bae trifala king moa i rul ovarem Pesia, an bihaen bae mekfoa king hemi kamap hu hemi ris moa winim trifala ya fastaem. An taem wea hemi kamap barava strong bikos hemi ris tumas, bae hemi mekem olketa pipol fo faet agensim king blong Gris.

Daniel 8:21

An man nanigot ya, hem nao king long kantri blong Gris, wea bae hemi rul bihaen. An disfala bikfala hon ya wea hemi stanap long midol long tufala ae blong hem, hem nao fas king blong Gris.

Joel 3:3

Olketa pleim daes fo faendemaot hu nao bae hemi tekem olketa pipol blong mi wea olketa winim long faet. Olketa salem olketa boe an olketa gele fo kamap slev, an olketa yusim seleni ya fo peim olketa juri an waen fo olketa seleva.

Joel 3:6

An yufala bin tekem finis olketa pipol blong Jerusalem an Jiuda from ples blong olketa, an salem olketa go long olketa pipol blong Gris wea hemi farawe tumas from lan blong olketa.

Revelesin 18:13

An olketa garem nara kago blong olketa moa, olsem olketa kaen samting fo suitim kaikai, an olketa deferen kaen insens, an waen, an oel, an flaoa, an wit, an olketa buluka, an sipsip, an hos, an olketa kaat blong hos, an olketa pipol wea olketa slev.