Esikiel 27:11 - Pijin Bible

¹¹ Olketa soldia blong aelan long Avad gohed fo stanap wetem olketa soldia blong yufala fo gadem wolston blong yufala, an olketa man blong taon long Gamad gohed fo gadem olketa gadhaos blong yufala. Olketa man ya i hangem evri sil blong olketa falom olketa wolston blong yufala, fo mekem hemi kamap barava luknaes fogud.

Pijin Deuterocanon

¹¹ Olketa soldia blong aelan long Avad gohed fo stanap wetem olketa soldia blong yufala fo gadem wolston blong yufala, an olketa man blong taon long Gamad gohed fo gadem olketa gadhaos blong yufala. Olketa man ya i hangem evri sil blong olketa falom olketa wolston blong yufala, fo mekem hemi kamap barava luknaes fogud.

Esikiel 27:11 ပူးပေါင်းရင်းမြစ်များ

Nambawan Singsing 4:4

Nek blong yu hemi raon an hemi smut naes, olsem disfala nambawan gadhaos blong King Deved. An nekles raonem nek blong yu hemi olsem 1,000 sil blong olketa strongman fo faet wea olketa hangem raonem disfala gadhaos fo hemi luk barava spesol.

Esikiel 27:10

“Olketa blong Taea. Olketa man from olketa kantri long Pesia, an Lidia, an Libia nao i kamap soldia long ami blong yufala. Olketa ya i hangem olketa sil an hat blong olketa fo faet falom olketa wol blong yufala, fo mekem hemi luknaes fogud.

Esikiel 27:12

“Olketa blong kantri long Spen gohed fo mekem bisnis wetem yufala, bikos yufala garem plande gudfala samting fo salem long olketa. Olketa tekem kam silva, an aean, an tin, an led fo sensim long olketa gudfala samting blong yufala.

Esikiel 27:8

Olketa man from tufala taon long Saedon an Avad nao i pul long olketa bikfala padol mekem yu save go. Olketa hu i barava savegud tumas long waka blong olketa i kru blong yu.