Esikiel 26:9 - Pijin Bible

⁹ An bae olketa yusim olketa bikfala timba fo brekem olketa bikfala wolston blong yufala, an yusim olketa bikfala aean fo faet fo daonem olketa gadhaos blong yufala.

Pijin Deuterocanon

⁹ An bae olketa yusim olketa bikfala timba fo brekem olketa bikfala wolston blong yufala, an yusim olketa bikfala aean fo faet fo daonem olketa gadhaos blong yufala.

Esikiel 26:9 ပူးပေါင်းရင်းမြစ်များ

2 Kronikols 26:15

An long Jerusalem, hemi garem olketa man wea i save tumas hao fo mekem sefples fo olketa soldia i stap long hem fo sutim aro an trom go olketa barava bikfala ston long eni enemi. Olketa mekem olketa sefples ya long olketa gadhaos an long olketa kona blong wolston blong taon. Nao nius abaotem biknem blong hem hemi go long evri ples, bikos Yawe hemi helpem long hem go-go kasem taem hemi strong fogud.

Esikiel 21:22

Oraet, hemi pulumaot aro insaet long raet han blong hem wea hemi makem Jerusalem. Aro ya hemi talem hem fo redim olketa bikfala timba fo brekemdaon wolston an olketa geit blong taon ya, an singaotem olketa man blong hem wea hemi taem nao fo faet. Aro ya hemi talem hem tu fo olketa hipimap olketa ston an graon long botom blong wolston long Jerusalem, mekem hem isi fo klae go insaet an tekova long hem, an fo olketa hipimap graon raonem taon ya fo haed bihaen long hem an sutim dae olketa man.

Esikiel 26:10

Olketa hos blong hem i staka fogud an olketa save kavarem yufala nomoa long dast long graon taem olketa kam. Olsem olketa man i go insaet long taon wea wolston blong hem hemi bin brekdaon finis, olketa hos wea i pulum olketa kaat fo faet wetem olketa hos wea i pulum olketa kaat wea i karim evrisamting blong olketa, bae i ran gotru long olketa geit long bikfala wolston blong yufala. An bae noes blong olketa hemi mekem wolston ya fo seksek.

Esikiel 26:4

Bae olketa spoelem finis bikfala wolston blong yufala, an brekemdaon olketa gadhaos blong yufala. Bae mi klinimaot evri ravis blong yufala, an bikfala drae ston nomoa hemi stap long emti ples ya.

Esikiel 26:8

Bae hemi yusim naef fo faet fo kilim dae evriwan hu i stap long olketa vilij blong yufala long bik lan. Olketa enemi ya bae hipimap graon raonem taon ya fo haed bihaen long hem an sutim dae olketa man, an laenap wetem olketa sil blong olketa fo faet. Bae olketa hipimap olketa ston an graon long botom blong wolston long taon ya, mekem hemi isi fo klae go insaet an tekova long hem.