Esikiel 26:5 - Pijin Bible

⁵ Taon blong yufala hemi stap midol long solwata, an bae hemi kamap nomoa ples wea olketa man fo fising i putum net blong olketa long hem fo drae. Mi Lod Yawe mi tok tru long yufala: Olketa blong evri narafala kantri i winim yufala, an karimaot evrisamting blong yufala fo olketa.

Pijin Deuterocanon

⁵ Taon blong yufala hemi stap midol long solwata, an bae hemi kamap nomoa ples wea olketa man fo fising i putum net blong olketa long hem fo drae. Mi Lod Yawe mi tok tru long yufala: Olketa blong evri narafala kantri i winim yufala, an karimaot evrisamting blong yufala fo olketa.

Esikiel 26:5 ပူးပေါင်းရင်းမြစ်များ

Esikiel 25:7

Oraet, bikos yufala duim olsem, bae mi agensim yufala an letem olketa blong olketa narafala kantri fo faetem yufala, an tekova long yufala, an tekemaot evrisamting blong yufala. Bae mi spoelem yufala finis mekem kantri blong yufala hemi finis nao. From samting ya nao, bae yufala savegud dat mi nao Yawe.”

Esikiel 26:14

Bae mi letem taon blong yufala kamap olsem wanfala ston nating nomoa fo olketa man fo fising i draem net blong olketa antap long hem. An no eniwan save bildimbaek moa enitaem. Mi Lod Yawe nao mi tok.

Esikiel 26:19

“Hem nao mi Lod Yawe mi tok olsem: Bae mi mekem olketa spoelem finis taon blong yufala, an no eniwan hemi stap moa long hem. An bae mi mekem bikfala solwata ya fo kavarem taon ya an spoelem yufala finis.

Esikiel 27:32

Long datfala taem wea yu dae, bae olketa gohed fo sore an krae, an bae olketa singim wanfala krae singsing abaotem yu wea hemi olsem, ‘Bifoa kam, no eni taon moa hemi gud tumas olsem Taea. Bat distaem hemi stap kuaet nomoa insaet long dipsi.’

Esikiel 29:19

Dastawe nao mi Lod Yawe, mi tok olsem: Bae mi givim disfala kantri blong Ijip fo King Nebukadnesa blong Babilonia. Ya, bae hemi winim, an hemi tekem evri gudfala samting long hem fo givim long olketa soldia blong hem fo olsem pei blong olketa.

Esikiel 47:10

Stat long olketa springwata long En-Gedi go kasem olketa springwata long En-Eglaem, bae olketa man fo fising i pulum fis goap long sanbis, an putum olketa net fo drae long sanbis. Long ples ya, hemi garem enikaen fis long hem, olsem insaet long Mediterenian Si.