Esikiel 26:17 - Pijin Bible

¹⁷ Bae olketa singim wanfala krae singsing abaotem taon blong yufala, wea hemi olsem, !O Taea! !Nambawan taon! Bat olketa enemi i spoelem yu nao. Olketa pipol blong yu bin barava pipol blong si. Olketa sip blong yu bin mekem olketa narafala pipol fo fraet. Olketa pipol blong yu bin mekem olketa ya fo seksek.

Pijin Deuterocanon

¹⁷ Bae olketa singim wanfala krae singsing abaotem taon blong yufala, wea hemi olsem, !O Taea! !Nambawan taon! Bat olketa enemi i spoelem yu nao. Olketa pipol blong yu bin barava pipol blong si. Olketa sip blong yu bin mekem olketa narafala pipol fo fraet. Olketa pipol blong yu bin mekem olketa ya fo seksek.

Esikiel 26:17 ပူးပေါင်းရင်းမြစ်များ

2 Samuel 1:19

Singsing ya hemi olsem: !O Israel! !Tufala nambawan man blong yumi i dae antap long olketa hil blong yu! !Tufala nambawan soldia i foldaon finis!

Aesaea 14:12

“!King blong Babilonia! Yu nao bin hae tumas olsem Moning Sta, bat distaem, yu foldaon finis from skae. Bifoa, yu bin daonem olketa pipol long plande narafala kantri, bat distaem, Yawe hemi torowem yu finis godaon long graon.

Aesaea 23:4

!Yufala pipol blong Saedon! !Bae yufala sem fogud! Laea si god blong yufala wea yufala barava dipen long hem olsem mami o dadi blong yufala, hemi les finis long yufala, an hemi talemaot klia nao wea hemi nating save long yufala. Hemi tok olsem, “No enitaem mi babule, an no enitaem mi bonem pikinini. An mi nating lukaftarem eni boe o gele.”

Aesaea 23:8

Long bifoa, olketa pipol blong Taea nao i putum olketa pipol fo rul ovarem olketa narafala ples, an olketa pipol i gohed fo tinghae long olketa bisnisman blong Taea, winim olketa narafala bisnisman. !Bat yufala nating save hao nao disfala nogud samting wea hemi kasem yufala!

Jeremaea 48:39

!Moab hemi kamap nogud tumas! !Lisin kam long bikfala krae blong olketa! !Hemi sem tumas! Evriwan hemi mekfan long hem, an taem pipol i tingim wanem nao bin kasem olketa, olketa seke fogud.” Hem nao mesij blong Yawe.

Jeremaea 50:23

Bifoa, Babilonia hemi brekem olketa narafala kantri long wol olsem bikfala hama, bat distaem Babilonia i brek finis. An taem olketa kantri long wol i herem nius abaotem olketa samting wea hemi kasem Babilonia, bae i seke fogud.” Hem nao mesij blong Yawe.

Jeremaea 6:26

(Profet) Olketa pipol blong mi. Distaem yufala mas werem olketa ravis kaleko, an yufala mas rol olobaot long asis faea, fo somaot dat yufala sore. Yufala mas krae bikfala, olsem man wetem waef blong hem taem wanfala pikinini blong tufala hemi dae. Yufala mas sore an krae olsem, bikos olketa ya hu i kam fo spoelem yufala, bae olketa kam kuiktaem fo faetem yufala.

Jeremaea 7:29

!Katemaot hea blong yufala an torowem go fo somaot dat yufala sore! !Go antap long hil an krae bikfala! Bikos mi Yawe mi kros tumas, an mi lusim yufala finis.’”

Jeremaea 9:20

!Lisin kam gudfala long Mesij blong Yawe, yufala woman! !Herem kam olketa toktok wea hemi talem long yufala! Yufala mas lanem olketa dota blong yufala long wei fo krae long man dae, an yufala mas tisim olketa fren blong yufala long diskaen singsing blong dae:

Lamentesin 1:1

Taon long Jerusalem, bifoa hemi fulap long olketa pipol. Distaem hemi emti nao. Bifoa, pipol long wol i tinghae long hem. Distaem hemi olsem wido woman, wea hemi stap seleva nomoa. Taon ya long bifoa hemi olsem kuin ovarem evri narafala taon. Distaem hemi kamap olsem wanfala slev.

Esikiel 19:1

Yawe hemi tok long mi olsem, “Singim wanfala krae singsing abaotem tufala king blong Jiuda, wea hemi olsem:

Esikiel 19:14

Faea hemi stat long wanfala bik brans, nao hemi bonem olketa narafala brans an evri frut blong hem. No eni strong brans moa hemi stap wea hemi fitim fo mekem long spesol wokingstik blong king. “Hem nao wanfala krae singsing an yufala mas singim olsem wanfala krae singsing.”

Esikiel 32:16

“Hem nao olketa samting wea olketa woman blong olketa narafala kantri bae i kraeaot bikfala abaotem Ijip an evri pipol blong hem. Hem nao mesij blong mi Lod Yawe.”

Esikiel 32:2

“Man blong graon. Kraeaot bikfala abaotem disfala king blong Ijip, an talem hem olsem: !King! Yu tingse yu olsem wanfala strong laeon long midol long olketa pipol blong olketa narafala kantri, bat nomoa ya. Yu olsem nomoa wanfala krokodael long riva, wea hemi gohed fo mekem wata fo go olobaot, an hemi gohed fo mekem riva hemi mad fogud.

Esikiel 32:27

Taem olketa man i berem olketa, olketa no berem olketa olsem wei fo tinghae long olketa strong man fo faet long bifoa. Olketa strong man ya i godaon long grev wetem olketa wepon blong olketa. Taem olketa man i berem olketa, olketa putum naef blong olketa fo faet andanit long hed blong olketa, an olketa putum sil fo faet blong olketa antap long bodi blong olketa. Bat olketa blong Mesek an Tubal nao, panis fo olketa sin blong olketa bin kasem olketa, bikos taem wea olketa ya i laef yet, olketa gohed fo mekem olketa pipol barava fraet tumas.

Joel 1:18

Evri buluka i gohed fo krae bikfala an i gohed fo go olobaot, bikos olketa no garem eni moa gras fo kaikaim. Ya, olketa sipsip tu i gohed fo safa fogud.

Obadaea 1:5

“Taem man fo stil hemi kam long naet, hemi save stilim nomoa olketa samting wea hemi laekem. An taem olketa pipol i tekemaot olketa frut blong grep, oltaem olketa mas livim samfala fo stap long rop blong hem. !Man! !Bat taem olketa enemi blong yufala i kam, bae olketa barava spoelem yufala finis!

Maeka 2:4

Bihaen datfala long taem, bae olketa pipol i gohed fo mekfan long yufala from bikfala trabol ya wea hemi kasem yufala. An bae olketa mekem wanfala singsing fo mekfan long disfala trabol blong yufala. Bae olketa singsing olsem, “!Ooo! !Distaem yumi evriwan i barava nogud tumas nao! Yawe hemi letem olketa enemi fo tekova long lan blong yumi.”

Sefenaea 2:15

Olketa samting ya nao bae kasem taon wea olketa pipol i praod tumas long paoa blong olketa seleva, an tingse olketa stap sef nomoa. Olketa pipol i tingse taon blong olketa hemi nambawan winim eni narafala taon long disfala wol. Bat wea, taon ya bae hemi bagarap finis, an bae hemi kamap ples fo olketa wael animol i slip long hem. Olketa pipol wea i go pas long taon ya, bae olketa sek fogud an toknogud long hem.?

Josua 19:29

Disfala spialaen ya hemi tane go moa long Rama, an go kolsap long taon long Taea wea bikfala wolston nao hemi goraonem. Spialaen ya hemi tane go long Hosa an go-go hemi en long Mediterenian Si. Olketa narafala taon moa wea i stap insaet long eria ya nao: Mahalab, an Aksib,