Esikiel 25:14 - Pijin Bible

¹⁴ “Bae mi sensimbaek olketa nogud samting wea olketa bin duim. Bae mi letem olketa pipol blong mi long Israel fo faet agensim olketa blong Idom, mekem olketa filim paoa long kros blong mi. Bae olketa save wei wea mi sensimbaek olketa samting wea olketa bin duim. Hem nao mesij blong mi Lod Yawe.”

Pijin Deuterocanon

¹⁴ “Bae mi sensimbaek olketa nogud samting wea olketa bin duim. Bae mi letem olketa pipol blong mi long Israel fo faet agensim olketa blong Idom, mekem olketa filim paoa long kros blong mi. Bae olketa save wei wea mi sensimbaek olketa samting wea olketa bin duim. Hem nao mesij blong mi Lod Yawe.”

Esikiel 25:14 ပူးပေါင်းရင်းမြစ်များ

Jenesis 27:29

“Letem olketa pipol blong olketa narafala kantri i waka fo yu, an olketa pipol blong olketa narafala ples i baodaon long yu. Letem yu bos long olketa brata blong yu, an olketa baodaon long yu. “Letem man wea i mekem trabol fo kasem yu, trabol mas kasem hem, bat man wea i askem God fo blesim yu, God mas blesim hem.”

Aesaea 11:14

Bat bae tufala faet agensim olketa pipol blong Filistia long west. An bae tufala tekem olketa gudfala samting blong olketa pipol long ist. Bae tufala winim olketa pipol blong Idom wetem olketa pipol blong Moab long faet. An olketa pipol blong Amon bae i stap andanit long paoa blong tufala.

Jeremaea 49:2

Bat taem bae hemi kam wea olketa pipol blong biktaon long Raba i herem bikfala noes long trampet blong olketa enemi. Bae enemi ya i brekemdaon olketa taon, an bonem olketa vilij raonem olketa. Bae Israel i kam fo raosim olketa pipol blong Amon hu bin raosim olketa.” Hem nao toktok blong Yawe.

Jeremaea 51:36

Dastawe nao Yawe hemi ansarem olketa olsem, “Olketa pipol blong mi. Bae mi saetem yufala ya, an panisim olketa enemi blong yufala, from olketa trabol wea olketa bin mekem fo kasem yufala. Olketa wata blong Babilonia wetem olketa bikfala riva blong hem, bae mi mekem olketa drae evriwan.

Esikiel 25:17

Bae mi panisim olketa an mekem olketa safa fo sensimbaek olketa nogud samting wea olketa bin duim, mekem olketa filim paoa long kros blong mi. From samting ya nao, bae olketa savegud dat mi nao Yawe.”

Esikiel 35:11

Mi mekem disfala strongfala promis long nem blong mi Lod Yawe hu mi laef olowe: Bikos yufala les long olketa pipol blong mi, an yufala gohed fo kros long olketa, an joles long olketa, bae mi sensimbaek olketa ravis wei ya long yufala falom disfala sem wei wea yufala mekem olketa safa. An bae olketa pipol blong mi i save dat mi nao mi panisim yufala from olketa ravis samting wea yufala bin duim long olketa.

Diutronomi 32:41

bae mi tekem naef fo faet blong mi wea hemi saen fogud. Bae mi sapanem hem go-go hemi sap tumas. Den bae mi sensimbaek long olketa enemi blong mi, an bae mi panisim olketa hu i heitem mi.

Diutronomi 32:43

“Yufala evriwan long heven, yufala mas hapi long Yawe. Yufala olketa god, yufala mas baodaon long hem. Yawe bae hemi sensimbaek dae blong olketa pikinini blong hem. Bae hemi peimbaek olketa ravis wei blong olketa enemi blong hem. Bat bae hemi fogivim pipol blong hem, an mekem lan blong olketa i kamap klin long ae blong hem.”