Esikiel 25:1 - Pijin Bible

¹ Yawe hemi talemaot Mesij blong hem long mi. Hemi tok olsem,

Pijin Deuterocanon

¹ Yawe hemi talemaot Mesij blong hem long mi. Hemi tok olsem,

Esikiel 25:1 ပူးပေါင်းရင်းမြစ်များ

Nehemaea 13:1

Long datfala de, taem olketa gohed fo ridimaot buk blong Lo blong Mosis, mekem evriwan save herem, olketa faendemaot wea eniwan long laen blong Amon, o long laen blong Moab, hemi no garem raet fo joenem eni miting blong pipol blong Israel.

Jeremaea 12:14

Yawe nao hemi tok olsem, “Olketa ravis pipol hu i stap raonem lan blong olketa pipol blong mi long Israel, bae mi aotem olketa from olketa lan blong olketa long sem wei wea bae mi aotem tu olketa pipol blong Jiuda from lan blong olketa.

Jeremaea 25:21

an olketa pipol blong Idom, an Moab, an Amon,

Jeremaea 27:3

Yu givim toktok blong mi long olketa mesenja hu i kam long Jerusalem fo lukim King Sedekaea blong Jiuda, mekem olketa go talemaot long olketa king blong olketa long Idom, an long Moab, an long Amon, an long Taea, an long Saedon.

Jeremaea 49:1

Hem ya nao mesij wea Yawe hemi talemaot abaotem olketa blong Amon. Hemi tok olsem, “?Waswe nao god Milkom hemi save tekova long lan blong traeb long Gad? ?Waswe nao olketa pipol blong hem long Amon save stap long olketa taon blong lan ya? !Hemi olsem Israel hemi no garem man fo kipim graon blong olketa dadi blong olketa, mekem olketa save stap long hem!

Lamentesin 1:21

“Pipol bin herem bikfala krae blong mi, bat no eniwan hemi stap fo helpem mi. Olketa enemi i herem tu, an hapi tumas, bikos yu sendem trabol ya fo kasem mi. Plis yu mekem de blong trabol hemi kamap, olsem yu bin talemaot, mekem olketa enemi fo safa tu olsem mi.

Esikiel 24:27

An long de ya, bae yu save toktok moa, mekem yu save tok wetem hem. Long wei ya, yu nao bae yu kamap olsem wanfala saen fo olketa, an bae olketa jes savegud dat mi nao Yawe.”

Esikiel 25:2

“Man blong graon. Luk go long kantri blong Amon, an talemaot profesi agensim olketa pipol blong hem.

Esikiel 28:26

Long datfala ples nao, bae olketa mekem moa olketa haos blong olketa long hem, an olketa save mekem plantesin long grep blong olketa. Bat bae mi panisim olketa narafala kantri wea i stap kolsap long olketa wea i gohed fo heitem olketa. An olketa ya long laen blong Israel, bae i stap gudfala an sef. From samting ya nao, bae olketa savegud dat mi nao Yawe God blong olketa.”

Esikiel 32:29

“Olketa blong Elam wetem olketa king an lida blong olketa, i godaon tu long ples blong man dae. Nomata olketa bin garem bikfala paoa, olketa tu leidaon barava dip insaet long ples ya blong man dae wetem olketa narafala pipol hu i dae long faet olsem wael dog.

Esikiel 36:7

An from disfala samting nao, mi Yawe nao mi tok olsem: Mi mekem wanfala strongfala promis long nem blong mi wea bae mi meksem long olketa narafala kantri wea i stap raonem yufala.

Joel 3:19

“Kantri ya long Ijip bae hemi kamap nogud tumas, an Idom bae hemi kamap wanfala drae eria, wea no enisamting save stap long hem, bikos olketa ya nao i spoelem Jiuda, an kilim dae olketa hu i no duim nomoa eni rong samting.

Emos 1:13

Yawe hemi tok olsem, ?Bikos olketa pipol blong Amon i gohed fo sin olowe nomoa, mi mas talem tru long yufala wea bae mi panisim olketa fo disfala ravis wei blong olketa. Bikos taem olketa faet fo tekova long samfala lan moa long Gilead insaet long Israel, olketa kilim dae plande pipol, an bikos long datfala taem tu olketa kasholem olketa babule woman, an katem bele blong olketa mekem olketa dae,

Habakuk 1:17

?Waswe, bae enisamting save stopem olketa nomoa fo no yusim net ya fo spoelem pipol long olketa kantri? !Olketa ya i nating sore nomoa long eniwan!

Sefenaea 2:8

Hem ya nao mesij blong Yawe hu hemi garem evri paoa, an hu hemi God blong Israel. Hemi tok olsem, ?Mi herem finis wea olketa pipol blong Moab i tokdaonem pipol blong mi, an pipol blong Amon i tokspoelem pipol blong mi. Olketa tokpraod olsem bae olketa tekova long lan blong pipol blong mi. So olsem mi laef, mi promis fo spoelem Moab an Amon. Moab bae hemi kamap olsem Sodom, an Amon bae hemi kamap olsem Gomora bifoa. Tufala ples ya bae i kamap ples blong solt, an no eni gudfala samting hemi save grou long hem. Olketa ravis gras nomoa bae i kavaremap tufala, an tufala bae stap nogud olowe nao. Bat pipol blong mi wea olketa laef yet, bae olketa nao go tekem evrisamting blong olketa, an bae olketa tekova long lan blong olketa tu.?