Esikiel 24:18 - Pijin Bible

¹⁸ Bihaen, mi gohed fo toktok wetem olketa pipol long moning, an long ivining waef blong mi hemi dae nao. An long neks de, mi duim nao wanem Yawe hemi talem long mi.

Pijin Deuterocanon

¹⁸ Bihaen, mi gohed fo toktok wetem olketa pipol long moning, an long ivining waef blong mi hemi dae nao. An long neks de, mi duim nao wanem Yawe hemi talem long mi.

Esikiel 24:18 ပူးပေါင်းရင်းမြစ်များ

Esikiel 12:7

So, mi duim nao olsem wea Yawe bin talem long mi. Long datfala de, mi fulumapem basket blong mi olsem man wea olketa fosim hem fo lusim lan blong hem an go stap long narafala kantri. Long ivining, mi bin brekem wanfala hol long wol long han blong mi nomoa, an mi gotru long hol ya. Taem olketa gohed fo lukluk nomoa, mi karim basket ya antap long solda blong mi an mi wakabaot go nao.

Esikiel 24:16

“Man blong graon. Nomata yu lavem tumas disfala woman blong yu, bat bae mi tekemaot nomoa from yu ya. Yu mas no krae, an no singim olketa krae singsing, an no letem tias blong yu hemi ran.

Esikiel 24:17

Yu krae smol nomoa an no letem voes blong yu hemi kamaot, mekem pipol i herem yu. Yu mas no somaot dat yu sore an filnogud. Yu mas no aotem spesol kaleko ya from hed blong yu, an yu mas no tekemaot sandol from lek blong yu. Yu mas no kavaremap fes blong yu, an no kaikaim olketa kaikai wea olketa pipol i kaikaim taem olketa sore an filnogud.”

Esikiel 24:19

Nao olketa pipol i askem mi olsem, “?Waswe, yu duim olketa samting ya fo wanem ya?”