Esikiel 24:10 - Pijin Bible

¹⁰ Hipimap kam staka faeawud, an bloum faea ya mekem hemi laet gudfala. Kukim mit ya gudfala go-go hemi finis, an wata blong hem hemi barava drae, an olketa bon ya hemi bone olsem sakol.

Pijin Deuterocanon

¹⁰ Hipimap kam staka faeawud, an bloum faea ya mekem hemi laet gudfala. Kukim mit ya gudfala go-go hemi finis, an wata blong hem hemi barava drae, an olketa bon ya hemi bone olsem sakol.

Esikiel 24:10 ပူးပေါင်းရင်းမြစ်များ

Jenesis 25:29

Nao wanfala de, taem Iso hemi go handing, Jekob hemi stap nomoa long haos, hemi gohed fo mekem supsup nomoa long olketa red bin. Nao taem Iso hemi kambaek, hemi hanggre tumas,

Jeremaea 17:3

!Yufala hu i stap midol long olketa maonten an hil! Sin blong yufala hemi evriwea long lan blong yufala, so bae mi givim long olketa enemi olketa risis an evri gudfala samting blong yufala wetem olketa tambuples blong yufala fo mekem wosip.

Jeremaea 20:5

An bae mi givim long olketa enemi ya evri gudfala samting long disfala taon, nomata hemi gudfala samting wea yufala seleva i wakem o olketa risis blong olketa king blong Jiuda. Bae olketa tekemaot evrisamting ya an karim go long Babilonia.

Lamentesin 1:10

Olketa hiden wea Yawe bin talem fo olketa mas no go insaet long Tambuhaos ya, Jerusalem hemi lukim wea olketa go insaet long tambuples, an stilim olketa tambu samting.

Lamentesin 2:16

Olketa enemi blong yu i gohed fo laf an mekfan long yu. Olketa tokspoelem yu olsem, “!Yumi spoelem hem finis! !Hem nao disfala de yumi gohed fo weitem, an de ya hemi kam finis!”

Esikiel 24:11

Den tekem emti sospen ya an putum insaet sakol long faea ya go-go hemi hot an barava red fogud. Letem hemi bone olsem, mekem evri doti long hem hemi kamaot an hemi kamap klin gudfala moa.

Esikiel 24:9

“Dastawe nao Lod Yawe, hemi tok olsem: !Sore tumas long disfala taon! Bikfala trabol nao bae kasem hem bikos hemi fulap long blad blong olketa man wea olketa nara man bin kilim dae. Bae mi tu hipimap staka faeawud fo mekem bikfala faea.