Esikiel 23:43 - Pijin Bible

⁴³ (Profet) Mi tingting olsem, “Tufala i barava taet tumas from wei wea tufala bin gohed fo durong wetem eni man. Letem tufala gohed fo juri olsem nao, bikos hem nomoa wanem hemi fitim tufala.”

Pijin Deuterocanon

⁴³ (Profet) Mi tingting olsem, “Tufala i barava taet tumas from wei wea tufala bin gohed fo durong wetem eni man. Letem tufala gohed fo juri olsem nao, bikos hem nomoa wanem hemi fitim tufala.”

Esikiel 23:43 ပူးပေါင်းရင်းမြစ်များ

Esra 9:7

Stat long taem blong olketa grani blong mifala bifoa kam kasem tude, hemi barava fitim fo mifala mas panis nogud from olketa sin blong mifala. From olketa sin ya, yu bin putum mifala wetem olketa king blong mifala, an olketa prist blong mifala andanit long paoa blong olketa enemi. Olketa ya bin kilim samfala dae, an tekem samfala fo waka olsem slev, an stilim evrisamting blong mifala. Olketa meksem tumas long mifala, an samting ya hemi gohed kam kasem tude.

Sams 106:6

Yumi ya, yumi garem sin olsem olketa grani blong yumi bifoa. Ya, yumi bin falom olketa ravis wei, an duim olketa nogud samting.

Jeremaea 13:23

?Waswe, yufala tingim dat blak man save sensim kala long skin blong hem? ?Waswe, yufala ting bikfala wael puskat hemi save sensim olketa kala long bodi blong hem? Olketa ya no save mekem samting ya, an yufala tu wea oltaem yufala gohed fo mekem olketa ravis wei, yufala tu no save sensim wei blong yufala fo mekem olketa samting wea hemi stret.

Esikiel 23:3

Taem tufala yang gele yet, tufala stap long Ijip, an tufala ya kamap juri woman. Long datfala ples, olketa man i kam slip wetem tufala, an gohed fo holem susu blong tufala.

Esikiel 23:44

“So, oltaem nomoa olketa man i slip wetem tufala ravis woman ya Ohola an Oholiba, olsem wea olketa slip wetem olketa narafala juri woman.

Daniel 9:16

Masta, long bifoa yu bin gud tumas long olketa pipol blong yu. Plis yu no kros long taon blong yu ya Jerusalem, bikos hem ya hemi Holi Maonten blong yu long Saeon. Olketa pipol blong olketa kantri kolsap long mifala, i gohed fo tok nogud an mekfan long Jerusalem an long mifala tu from olketa sin blong mifala an olketa nogud samting wea olketa grani blong mifala i bin duim bifoa.