Esikiel 23:19 - Pijin Bible

¹⁹ Bat disfala wei blong hem olsem juri, hemi kamap barava nogud tumas moa olsem datfala taem wea hemi yang gele yet an hemi stap kam long Ijip.

Pijin Deuterocanon

¹⁹ Bat disfala wei blong hem olsem juri, hemi kamap barava nogud tumas moa olsem datfala taem wea hemi yang gele yet an hemi stap kam long Ijip.

Esikiel 23:19 ပူးပေါင်းရင်းမြစ်များ

Jenesis 38:24

Oraet, kolsap tri mans hemi finis, nao nius hemi kasem Jiuda olsem, “Waef blong pikinini blong yu ya, hemi gohed fo kamap juri woman ya, an distaem, hemi babule nao.” An hemi tok olsem, “Yufala tekem hem go aotsaet long taon, an bonem hem dae.”

Esikiel 16:22

Oltaem nomoa yu gohed fo duim krangge waka ya blong juri woman. An yu nating tingim nao long datfala taem wea yu bebi an yu neket, an gohed fo rol olobaot nomoa insaet blad wea yu bon kam long hem. “Hem nao mesij blong mi Lod Yawe.”

Esikiel 16:25

Long saet long evri rod, yu bildim ples fo duim waka blong yu olsem juri. Nomata mi mekem yu luknaes tumas, bat yu spoelem yu seleva nomoa long wei wea yu gohed fo openem tufala lek blong yu fo evri man hu i gopas falom rod, fo kam an slip wetem yu.

Esikiel 16:29

So, yu gohed moa fo slip wetem olketa bisnisman blong Babilonia, bat hemi no naf yet long yu.

Esikiel 16:51

“An Samaria ya, olketa sin blong hem hemi nating kasem nomoa haf long olketa sin blong yu. Yu bin duim olketa samting wea hemi nogud tumas winim olketa samting wea olketa duim. Taem mi makem yu wetem tufala sista ya blong yu, yu barava nogud tumas, bat hemi luk olsem wea tufala i stret nomoa.

Esikiel 20:7

Mi tok olsem long olketa, ‘Evriwan long yufala mas stop fo no mekem yufala seleva fo kamap no klin long ae blong mi from olketa ravis kaving ya blong Ijip. Torowem olketa kaving ya wea yufala bin gohed fo wosipim. Mi nao Yawe God blong yufala.’

Esikiel 23:14

“Bat disfala ravis wei blong hem fo gohed olsem wanfala juri, hemi barava kamap nogud tumas go moa nao. Hemi lukim olketa piksa long olketa komanda blong olketa soldia blong Babilonia wea olketa pendam red falom wolston long taon, an hemi laekem olketa tumas.

Esikiel 23:18

Hemi gohed fo duim nomoa ravis wei ya blong juri, wea hemi save neket olobaot nomoa, so mi les long hem tu olsem sista blong hem ya fastaem.

Esikiel 23:20

Long ples ya tu, hemi aftarem tumas olketa juri hu i slip olobaot wetem olketa woman barava olsem nao man dog wea hemi aftarem tumas mere dog.

Esikiel 23:21

“Oholiba, yu laekem tumas fo falom moa ravis wei blong yu olsem wea yu bin duim kam bifoa long Ijip taem yu yang gele yet. Yu bin letem olketa man gohed fo holem nomoa susu blong yu an plei nogud nomoa wetem bodi blong yu.”

Esikiel 23:3

Taem tufala yang gele yet, tufala stap long Ijip, an tufala ya kamap juri woman. Long datfala ples, olketa man i kam slip wetem tufala, an gohed fo holem susu blong tufala.

Esikiel 23:8

Hemi gohed fo falom nomoa olketa ravis wei wea hemi bin stat fo duim kam long Ijip taem hemi yang gele yet. Long datfala taem, olketa man i gohed fo slip wetem hem, an holem susu blong hem, an gohed fo plei nogud wetem hem.

Emos 4:4

Yawe hemi tok moa olsem, ?!Olketa pipol blong Israel! Yufala laekem tumas fo kam long disfala tambuples long taon long Betel fo mekem wosip, bat yufala gohed nomoa fo sin. An yufala laek fo go moa long disfala tambuples long taon long Gilgal fo mekem wosip, bat yufala gohed fo dabolem nomoa olketa wei blong yufala fo sin. Nomata yufala gohed fo bonem sakrifaes long mi long evri moning, an nomata yufala gohed fo tekem kam wan-tent long olketa samting blong yufala fo givim long mi long evri mektri de, wei blong yufala hemi nogud tumas.