Esikiel 22:22 - Pijin Bible

²² Bae mi bonem yufala long Jerusalem olsem wea faea hemi bonem silva, an bae yufala savegud dat mi Yawe nao mi kros long yufala an panisim yufala.”

Pijin Deuterocanon

²² Bae mi bonem yufala long Jerusalem olsem wea faea hemi bonem silva, an bae yufala savegud dat mi Yawe nao mi kros long yufala an panisim yufala.”

Esikiel 22:22 ပူးပေါင်းရင်းမြစ်များ

Esikiel 20:33

Mi mekem disfala strongfala promis long nem blong mi Lod Yawe hu mi laef olowe: Bae mi barava kros tumas long yufala, an mi rul ovarem yufala long bikfala paoa blong mi.

Esikiel 20:8

“Bat olketa agensim mi, an les fo lisin long mi. Olketa no torowem nomoa olketa ravis kaving ya blong Ijip wea olketa bin gohed fo wosipim. So, taem olketa stap yet long Ijip, mi bin kros fogud an redi fo panisim olketa long bikfala paoa blong mi.

Esikiel 22:16

An olketa pipol long olketa narafala kantri bae i meksem long yufala from olketa nogud wei blong yufala, bat bae yufala jes savegud dat mi nao Yawe.”

Esikiel 22:21

Ya, kros blong mi hemi bik tumas, olsem faea wea hemi barava hot tumas, an bae mi hipimap yufala tugeta fo bonem yufala, an bae yufala ranaot olsem silva wea olketa bonem an hemi ranaot.

Esikiel 22:23

Yawe hemi talemaot moa Mesij blong hem long mi. Hemi tok olsem,

Esikiel 22:31

So, kros blong mi hemi bik tumas olsem barava hot faea, an bae mi spoelem olketa from olketa ravis samting wea olketa duim. Hem nao mesij blong mi Lod Yawe.”

Esikiel 36:18

Mi panisim olketa nogud long paoa long kros blong mi, bikos olketa gohed fo kilim man dae long lan ya, an gohed fo wosipim olketa ravis kaving. Olketa mekem disfala lan hemi kamap barava no klin long ae blong mi.

Esikiel 7:9

Mi kanduit sore long yufala nao, an mi kanduit sevem laef blong yufala. Bae mi panisim yufala from evri ravis samting wea yufala bin duim, mekem yufala savegud dat mi Yawe nao mi panisim yufala.

Hosia 5:10

Olketa lida blong Jiuda i olsem ravis man hu hemi save muvum spialaen. So, panis wea bae mi givim long olketa, hemi bikfala tumas olsem wanfala riva wea hemi flad an kavarem olketa finis.

Revelesin 16:1

Den mi herem moa wanfala voes long tambuhaos, wea hemi singaot olsem long sevenfala enjel ya, “Sevenfala baol wea olketa fulap long kros blong God ya, yufala go kapsaetem antap long wol ya.”