Esikiel 21:11 - Pijin Bible

¹¹ Mi givim finis naef ya long olketa fo polesem. Bae hemi sap an hemi saen fogud. Hemi redi finis fo disfala man hu hemi kilim man dae.

Pijin Deuterocanon

¹¹ Mi givim finis naef ya long olketa fo polesem. Bae hemi sap an hemi saen fogud. Hemi redi finis fo disfala man hu hemi kilim man dae.

Esikiel 21:11 ပူးပေါင်းရင်းမြစ်များ

Esta 4:1

Taem Modekae hemi herem nius abaotem disfala samting, hemi brekem kaleko blong hem long sore. Nao hemi werem olketa ravis kaleko, an hemi putum asis long hed blong hem, an taem hemi go insaet long taon ya, hemi gohed fo krae bikfala.

Aesaea 22:4

Hem nao mi singaot olsem, “!Yufala letem mi stap seleva! Yufala no trae fo strongim tingting blong mi. Yufala letem mi krae bikfala from disfala wei wea olketa enemi i spoelem olketa pipol blong mi.”

Jeremaea 25:33

Long datfala taem, olketa bodi blong olketa wea Yawe hemi kilim dae, bae i stap olobaot long evri ples long wol. Bae no eniwan hemi sore an krae fo olketa. Bae no eniwan hemi hipimap olketa bodi ya fo berem, an bae olketa bodi ya i olsem ravis wea hemi stap nomoa long graon.

Jeremaea 25:9

bae mi mekem olketa pipol blong olketa kantri long not wetem wakaman blong mi King Nebukadnesa blong Babilonia, fo kam faet agensim disfala lan long Jiuda wetem evri pipol wea i stap long hem, an agensim tu pipol blong olketa kantri wea i stap raonem yufala. Bae mi spoelem olketa ya fogud fo evritaem olowe. An evri pipol hu i gotru long olketa lan ya bae i tokspoelem hem. Bae i seke fogud an toknogud long hem.

Esikiel 21:10

Olketa sapanem finis fo katem man dae, an hemi barava saen fogud olsem laetning. No eniwan save hapi from naef ya blong mi. O san blong mi, naef blong mi fo faet hemi no mekhae long paoa blong eni king.

Esikiel 21:12

Man blong graon, yu mas sore an krae bikfala. Disfala naef nao hemi agensim olketa pipol blong mi, an olketa bikman blong yufala. Ya, bae olketa evriwan i dae long faet. So yu mas somaot wea yu barava filsore fogud.

Esikiel 21:19

“Man blong graon. Yu mas makem tufala rod fo goaot from wanfala kantri, wea bae naef fo faet blong disfala king blong Babilonia hemi save kam long hem. An yu mas mekem wanfala saen long pos wea hemi stap long ples wea rod hemi divaed.