Esikiel 18:14 - Pijin Bible

¹⁴ “Nao tingim disfala ravis man hemi garem wanfala san, bat nomata disfala san blong hem hemi luksave long evri sin long dadi blong hem, hemi nating falom nomoa.

Pijin Deuterocanon

¹⁴ “Nao tingim disfala ravis man hemi garem wanfala san, bat nomata disfala san blong hem hemi luksave long evri sin long dadi blong hem, hemi nating falom nomoa.

Esikiel 18:14 ပူးပေါင်းရင်းမြစ်များ

2 Kings 22:1

Long taem wea Josaea hemi kamap king long Jiuda, hemi kasem eit yia nomoa. An hemi king long Jerusalem fo teti-wan yia. An mami blong hem hemi Jedida wea hemi dota blong Adaea blong taon long Boskat.

2 Kings 22:2

King ya hemi duim olketa samting wea i stret long ae blong Yawe, an hemi gohed fo falom olketa gudfala wei blong King Deved, olfala grani blong hem bifoa. Hemi gohed nomoa fo duim wanem hemi stret olowe.

2 Kronikols 34:21

“Mi an olketa pipol long Jiuda, an samfala blong Israel wea i stap yet, evriwan mas save long wanem Yawe hemi laekem mifala fo duim. So yufala mas go faendemaot tingting blong Yawe abaotem olketa toktok wea i stap long buk wea hae prist hemi faendem. Yawe hemi barava kros tumas long yumi, bikos olketa grani blong yumi i no bin obeim olketa toktok blong buk ya, an olketa no bin falom olketa samting wea buk ya hemi talem yumi fo duim.”

Provebs 17:21

Man hemi garem krangge pikinini, hemi sore olowe. Dadi blong krangge man, hemi nating save hapi.

Provebs 23:24

Dadi blong stretfala man, hemi hapi tumas. Eniwan hu hemi garem waes pikinini, hemi hapi moa.

Aesaea 44:19

Man hu hemi wakem kaving god ya, hemi nating garem eni gudfala tingting fo tok olsem, “!Man! Samfala haf long stik ya nao mi bonem long faea. Mi bonem tu mit an olketa narafala kaikai blong mi long disfala faea. ?Hao nao mi bin wakem wanfala ravis kaving god long narafala haf long sem stik ya? !Mi baodaon nomoa long wanfala pis stik!”

Jeremaea 44:17

Bae mifala gohed fo duim evrisamting barava olsem mifala bin talem finis: Bae mifala bonem insens fo mekem wosip long disfala woman god olketa kolem Kuin blong Heven. An bae mifala gohed fo kapsaetem waen fo givim presen long hem, olsem wea mifala, an olketa grani blong yumi, an olketa king wetem olketa lida blong yumi bin mekem long olketa taon blong Jiuda, an olobaot long Jerusalem. Long datfala taem, yumi bin garem plande kaikai, an yumi bin stap gudfala, an yumi no garem eni trabol nomoa.

Jeremaea 8:6

Oltaem mi gohed fo lisingud long yufala, bat yufala gohed fo laea nomoa, yufala kanduit talem tru toktok. No eniwan long yufala hemi save sensim nogud tingting blong hem an askem hem seleva olsem, ‘?Hao nao mi save duim diskaen ravis samting?’ Oltaem nomoa, yufala evriwan gohed fo falom olketa ravis wei, olsem hos wea hemi resis go fo faet.

Jeremaea 9:14

Olketa bikhed fogud, an olketa falom nomoa ravis wei blong god Baal, barava olsem olketa grani blong olketa i tisim long olketa.”

Esikiel 18:10

“Oraet, tingim dat disfala man hu hemi stret an no duim olketa ravis samting, hemi garem wanfala san hu hemi raf tumas an hemi nating falom stretfala wei blong hem, an hemi gohed fo stil, an hemi kilim man dae. Hemi gohed fo kaikaim mit wea olketa sakrifaesim long olketa ples fo wosip antap long olketa maonten, an hemi gohed fo slip wetem waef blong wantok.

Esikiel 18:15

Hemi no wosipim olketa ravis kaving wea olketa pipol blong Israel i wosipim antap long olketa hil. An hemi no kaikaim mit wea olketa sakrifaesim long olketa kaving ya. Hemi no slip wetem waef blong wantok.

Esikiel 18:28

Bikos hemi luksave long evri sin blong hem, an hemi les long disfala ravis wei, bae hemi no dae.

Esikiel 20:18

Mi bin tok olsem long evri pikinini blong olketa, ‘Yufala mas no falom olketa rul an kastom, an olketa lo wea olketa olo blong yufala i bin falom kam bifoa. An yufala mas no mekem yufala seleva fo kamap no klin long ae blong mi from olketa ravis kaving blong olketa.

Hosia 7:2

Bat olketa nating luksave dat mi lukim nomoa evrisamting wea olketa duim. Taem mi luk kam, mi lukim nomoa evri sin blong olketa wea hemi hipap raonem olketa olsem wanfala bikfala flad.”

Hagae 1:5

Yufala mas luksave long olketa samting yufala du-duim.

Hagae 1:7

Hem nao wanem Yawe hu hemi garem evri paoa hemi talem, ?Yufala mas luksave long olketa samting yufala du-duim.

Hagae 2:18

Tude hemi mektuenti-foa de blong meknaen mans, an tude yufala finisim nao faondesin blong Tambuhaos blong mi. Stat distaem, yufala save lukim wanem bae hemi kamap.

Matiu 23:32

!So yufala gohed nomoa fo duim semsamting wea olketa olo blong yufala, olketa bin duim!”

1 Pita 1:18

Yufala save finis hao God hemi peimaot yufala from ravis laef wea yufala falom from olketa olo blong yufala bifoa. Hemi no peimaot yufala long samting wea hemi save nogud nomoa olsem silva an gol.