Esikiel 17:12 - Pijin Bible

¹² “Yu mas askem olsem long olketa pipol ya hu i agensim mi, ‘?Waswe, yufala no save long mining blong disfala parabol?’ Yu talem olketa dat mi tok olsem long olketa: King blong Babilonia hemi go long Jerusalem, an hemi tekem king blong yufala wetem olketa bikman, an kam wetem long Babilonia.

Pijin Deuterocanon

¹² “Yu mas askem olsem long olketa pipol ya hu i agensim mi, ‘?Waswe, yufala no save long mining blong disfala parabol?’ Yu talem olketa dat mi tok olsem long olketa: King blong Babilonia hemi go long Jerusalem, an hemi tekem king blong yufala wetem olketa bikman, an kam wetem long Babilonia.

Esikiel 17:12 ပူးပေါင်းရင်းမြစ်များ

2 Kings 24:20

Nao bikos Yawe hemi kros tumas long pipol blong Jerusalem an olketa narafala pipol blong Jiuda, go-go-go hemi raosim olketa, mekem olketa no stap wetem hem. Oraet, King Sedekaea hemi agensim king blong Babilonia.

Eksodas 12:26

Sapos olketa pikinini blong yufala askem yufala olsem, ‘?Waswe nao yumi gohed fo mekem olketa samting ya olsem?’

Aesaea 1:2

Yawe nao hemi tokstrong olsem, “!Skae an graon! !Yutufala lisin kam long toktok blong mi! Stat long taem wea olketa pikinini blong mi i smolfala, mi bin lukaftarem olketa gudfala, bat distaem olketa agensim mi nao.

Aesaea 3:2

Bae hemi tekemaot tu olketa sif blong ami, wetem olketa strongman fo faet an olketa soldia, an olketa bikman blong gavman, olketa jaj an profet an advaesa, an olketa majik man wetem olketa kleva man, an olketa man hu i save hao fo wakem olketa gudfala samting.

Aesaea 39:7

Bae olketa tekem samfala long olketa pikinini wea bae i bon kam long laen blong yu, fo kamap wakaman insaet long haos blong king long Babilon.”

Jeremaea 34:21

Bae mi putum tu King Sedekaea wetem olketa bikman blong hem andanit long paoa blong olketa enemi hu i laek fo kilim olketa dae. Olketa enemi ya long ami blong king blong Babilonia i lusim finis disfala taon blong yufala.

Jeremaea 37:1

King Nebukadnesa blong Babilonia, hemi holem King Jehoeakin, san blong Jehoeakim, an hemi mekem Sedekaea, san blong King Josaea, fo kamap king blong Jiuda.

Jeremaea 52:3

an bikos Yawe hemi kros tumas long olketa pipol blong Jerusalem an Jiuda, hemi mekem trabol fo kam kasem olketa, an hemi ronem olketa from lan blong hem. Oraet, King Sedekaea hemi agensim King Nebukadnesa blong Babilonia.

Esikiel 1:2

Oraet, faefala yia bihaen long taem wea olketa bin fosim King Jehoeakin fo lusim lan blong hem an kam stap long Babilonia, mi stap saet long Keba Riva ya. An long mekfaev de long mans, Yawe hemi talemaot Mesij blong hem long mi, an hemi tasim mi long paoa blong hem.

Esikiel 17:11

Yawe hemi talemaot Mesij blong hem long mi. Hemi tok olsem,

Esikiel 17:3

Yu talem olketa dat mi Lod Yawe nao mi tok olsem: Wanfala bikfala igol wea hemi barava bik fogud, hemi flae kam antap long olketa maonten long Lebanon. Tufala wing blong hem hemi strong fogud, an hea blong hem hemi long tumas an garem plande deferen kala long hem. Hemi holem brans antap long wanfala sida tri,

Esikiel 2:8

Bat man blong graon, lisin kam gudfala wanem mi talem long yu. Yu mas no agensim mi olsem olketa ya. Yu mas openem maos blong yu an kaikaim wanem mi givim long yu distaem.”

Esikiel 24:19

Nao olketa pipol i askem mi olsem, “?Waswe, yu duim olketa samting ya fo wanem ya?”

Esikiel 3:9

Bae mi mekem yu fo kamap strong fogud olsem ston wea hemi had fogud, an bae yu winim olketa nomoa. Nomata olketa i pipol hu i barava agensim mi olowe nao, bat yu mas no fraetem olketa.

Esikiel 37:18

Taem olketa long ples blong yu i askem yu fo mining blong olketa toktok ya,

Matiu 13:51

Nao Jisas hemi askem olketa disaepol blong hem olsem, “?Waswe, yufala save long mining blong olketa toktok nao ya?” An olketa sei, “Ya, mifala save.”

Matiu 16:11

Mi no toktok long yufala abaotem bred ya. ?Waswe nao yufala nating minim? Diskaen yist blong olketa Farasi an olketa Sadiusi nao yufala mas lukaot long hem ya.”

Gudnius abaotem Jisas Kraes wea Mak hemi raetem 4:13

An Jisas hemi askem olketa olsem, “?Waswe, yufala no heremsave yet mining blong disfala tokpiksa ya? ?So hao nao bae yufala heremsave olketa nara tokpiksa moa?

Gudnius abaotem Jisas Kraes wea Luk hemi raetem 9:45

Bat olketa nating save nomoa wanem Jisas hemi talem long olketa, bikos mining hemi staphaed from olketa, mekem olketa no save minim gudfala. An olketa fraet tu fo askem Jisas abaotem mining long toktok blong hem.

Aposol 8:30

So Filip hemi ran go kolsap long kaat ya, an hemi herem dat man ya hemi ridim buk blong profet Aesaea. An Filip hemi askem hem, “?Waswe, yu minimgud wanem yu ridim ya?”

Diutronomi 6:20

“Nao taem olketa pikinini blong yufala, olketa askem yufala olsem, ‘?Waswe nao Yawe, God blong yumi, hemi talem yumi fo falom olketa tising an olketa lo an olketa rul ya?’,

Josua 4:21

Hemi tok olsem long olketa pipol blong Israel, “Taem wea olketa hu bae i bon kam bihaen long yumi i askem dadi blong olketa fo mining blong olketa ston ya,