Esikiel 16:36 - Pijin Bible

³⁶ Lod Yawe nao hemi tok olsem: Yu bin westem olketa gudfala samting wea mi givim long yu. Oltaem nomoa yu neket fo olketa man wea yu laek fo slip wetem. Yu gohed fo yusim tu olketa ravis kaving ya long yu seleva olsem taem wea man hemi slip wetem yu. An yu gohed fo kilim dae olketa pikinini blong yu fo sakrifaesim go long olketa kaving ya.

Pijin Deuterocanon

³⁶ Lod Yawe nao hemi tok olsem: Yu bin westem olketa gudfala samting wea mi givim long yu. Oltaem nomoa yu neket fo olketa man wea yu laek fo slip wetem. Yu gohed fo yusim tu olketa ravis kaving ya long yu seleva olsem taem wea man hemi slip wetem yu. An yu gohed fo kilim dae olketa pikinini blong yu fo sakrifaesim go long olketa kaving ya.

Esikiel 16:36 ပူးပေါင်းရင်းမြစ်များ

Jenesis 3:7

Seknomoa, ae blong tufala i open nao, an tufala luksave dat tufala neket nomoa. Nao tufala somap lif blong fig tri, mekem tufala kavaremap tufala seleva long hem.

Jeremaea 19:5

Olketa wakem olketa olta blong god Baal fo bonem olketa pikinini blong olketa long faea, fo sakrifaesim go long hem. Bat mi no talem olketa fo duim olsem. Diskaen barava ravis samting hemi no kamaot long tingting blong mi.

Jeremaea 2:34

Yufala gohed fo ravem olketa pua pipol hu i no duim enisamting rong, olsem man hu hemi kilim dae narafala man nomata hemi no trae fo kam insaet long haos blong yufala fo stil. An hemi olsem mak long blad blong olketa ya i stap yet long kaleko blong yufala. Bat nomata olsem,

Lamentesin 1:9

Evriwan save lukim sin blong hem, bat hemi no wari nomoa long wanem bae hemi hapen. Bat olketa enemi i daonem hem nogud, an no eniwan save helpem hem. “!O Yawe! Olketa enemi i winim mi finis. !Plis yu lukim mi, an sore long mi!”

Esikiel 16:35

“!Yu juri woman! !Lisin kam gudfala long Mesij blong Yawe!

Esikiel 20:31

Taem yufala ofarem olketa san blong yufala olsem sakrifaes fo olketa ravis kaving ya, yufala gohed fo mekem yufala seleva fo kamap no klin long ae blong mi ka-kam kasem tude. !Pipol blong Israel! ?Waswe, yufala gohed fo duim olketa ravis samting ya, an yufala tingse wea yufala save kam nomoa fo faendemaot tingting blong mi? Mi mekem disfala strongfala promis long nem blong mi Lod Yawe hu mi laef olowe: Bae mi no letem yufala askem enisamting long mi.”

Esikiel 22:15

Bae mi ronem yufala aot, fo go stap olobaot nao long olketa narafala kantri. An bae mi finisim evri nogud wei blong yufala wea hemi mekem yufala no klin long ae blong mi.

Esikiel 23:10

Olketa aotem evri kaleko blong hem, an holem olketa san an dota blong hem, an olketa kilim hem dae long naef fo faet. Oltaem nomoa, evri woman long evri ples save tokabaotem disfala trabol, an panis wea hemi kasem hem.

Esikiel 23:18

Hemi gohed fo duim nomoa ravis wei ya blong juri, wea hemi save neket olobaot nomoa, so mi les long hem tu olsem sista blong hem ya fastaem.

Esikiel 23:29

An bae olketa tekem evrisamting wea yu hadwaka fo hem bikos olketa barava heitem yu. Bae olketa mekem yu stap neket, an bae yu nating save haed nao from ae blong olketa pipol, bikos yu wanfala juri nomoa. Bae yu garem panis, bikos yu gohed fo aftarem tumas olketa man long olketa narafala kantri, an yu mekem yu seleva fo kamap no klin long ae blong mi from olketa ravis kaving blong olketa.

Esikiel 23:37

Tufala sista ya i durong wetem olketa narafala man, an fo kilim man dae. Tufala lusim mi finis an tufala plei nogud long olketa ravis kaving, an kilim dae an sakrifaesim olketa pikinini blong mi wea i bon long tufala. Tufala mekem sakrifaes go long olketa ravis kaving ya, olsem kaikai fo olketa.

Esikiel 23:8

Hemi gohed fo falom nomoa olketa ravis wei wea hemi bin stat fo duim kam long Ijip taem hemi yang gele yet. Long datfala taem, olketa man i gohed fo slip wetem hem, an holem susu blong hem, an gohed fo plei nogud wetem hem.

Esikiel 24:13

“Olketa blong Jerusalem. Disfala doti insaet long sospen, hemi piksa long ravis wei blong yufala wea yufala gohed fo durong wetem narafala pipol. Hemi mekem yufala kamap no klin long ae blong mi. Mi trae fo mekem yufala klin, bat yufala nating laekem nomoa. Hem nao ravis wei blong yufala hemi semsem nomoa. Bae yufala no save kamap klin moa go-go kros blong mi long yufala hemi finis.

Esikiel 36:18

Mi panisim olketa nogud long paoa long kros blong mi, bikos olketa gohed fo kilim man dae long lan ya, an gohed fo wosipim olketa ravis kaving. Olketa mekem disfala lan hemi kamap barava no klin long ae blong mi.

Esikiel 36:25

Bae hemi olsem wea mi torowem klin wata long yufala fo mekem yufala klin from olketa ravis wei blong yufala an olketa ravis kaving wea yufala gohed fo wosipim.

Sefenaea 3:1

?!Sore tumas long yufala pipol blong Jerusalem! Oltaem yufala gohed fo agensim Yawe. Wei blong yufala hemi barava nogud tumas.

Revelesin 3:18

Bat mi talem yufala stret, yufala mas peim barava gudfala gol long mi, mekem yufala kamap ris. An yufala mas peim waet kaleko long mi fo yufala werem, mekem yufala no save filsem moa long neket bodi blong yufala. An yufala mas peim tu samfala meresin long mi fo putum long ae blong yufala, mekem yufala save lukluk gud moa.