Esikiel 16:25 - Pijin Bible

²⁵ Long saet long evri rod, yu bildim ples fo duim waka blong yu olsem juri. Nomata mi mekem yu luknaes tumas, bat yu spoelem yu seleva nomoa long wei wea yu gohed fo openem tufala lek blong yu fo evri man hu i gopas falom rod, fo kam an slip wetem yu.

Pijin Deuterocanon

²⁵ Long saet long evri rod, yu bildim ples fo duim waka blong yu olsem juri. Nomata mi mekem yu luknaes tumas, bat yu spoelem yu seleva nomoa long wei wea yu gohed fo openem tufala lek blong yu fo evri man hu i gopas falom rod, fo kam an slip wetem yu.

Esikiel 16:25 ပူးပေါင်းရင်းမြစ်များ

Jenesis 38:14

So hemi tekemaot olketa ravis kaleko ya wea hemi gohed fo werem bikos hemi wido, an hemi werem olketa narafala kaleko, an hemi putum wanfala kaleko fo stopem ae blong hem, mekem olketa man i no luksave long hem, nao hemi go long taon ya wea olketa kolem Enaem, hemi go sidaon long doa blong bikfala wolston long hem. Taon ya hemi stap long rod fo go long Timna. Hemi duim olsem bikos hemi savegud dat Sela ya, lasbon brata blong hasban blong hem fastaem hemi bikfala finis, bat dadi blong boe ya hemi no kolem hem nomoa fo hemi kam maritim hem.

Jenesis 38:21

Hemi askem olketa man long Enaem olsem, “? Disfala juri woman ya hu hemi bin si-sidaon go long saet rod ya hemi stap long wea?” Bat olketa evriwan i tok olsem, “Mifala no garem eni juri woman long ples ya.”

Aesaea 23:17

Taem disfala seventifala yia hemi finis, bae Yawe hemi letem olketa pipol blong taon ya fo statem moa evri bisnis blong olketa. Bae olketa gohed fo mekem olketa raverave bisnis wetem evri kantri long wol fo tekem staka seleni, olsem wea juri woman hemi wiling fo salem bodi blong hem seleva long eni man.

Aesaea 3:9

Olketa i barava olsem pipol blong bifoa long Sodom. Man save luksave nomoa long fes blong olketa wea olketa no filsem fo sin long ae blong olketa narafala pipol. !Sore tumas long olketa, bikos olketa mekem bikfala trabol long olketa seleva!

Jeremaea 11:15

“Mi lavem yufala tumas, bat yufala gohed fo duim staka ravis samting. ?Waswe nao yufala kam insaet long Tambuhaos blong mi? ?Waswe, yufala tingse tambu mit blong olketa sakrifaes save sevem yufala from panis wea hemi mas kasem yufala? !Nomoa ya! Bikos taem yufala gohed fo duim evri ravis samting blong yufala, yufala gohed fo hapi tumas.

Jeremaea 3:2

!Luk go antap long olketa hil wea no enisamting save grou long hem! ?Waswe, no eni ples antap long olketa hil ya hemi stap wea yufala no bin olsem juri long hem? Oltaem nomoa yufala haed long saet blong rod fo kasem olketa man hu i gopas. Yufala barava olsem man fo stil hu hemi haed long drae eria fo stilim olketa samting blong pipol hu i gopas long rod. Yufala barava spoelem disfala lan long olketa ravis wei blong yufala.

Jeremaea 3:20

Bat yufala i olsem nomoa woman wea hemi no save stap tru long hasban blong hem. !O pipol blong Israel! !Yufala no stap tru long mi!” Hem nao mesij blong Yawe.

Jeremaea 6:15

?An waswe, olketa filsem nao long olketa ravis samting wea olketa duim? !Nomoa nao! !Olketa no save hao fo filsem! From diswan nao, bae mi finisim olketa, an evriwan ya i dae barava olsem olketa hu bin dae finis.” Hem nao toktok blong Yawe.

Esikiel 16:15

“Bat yu yusim wei wea yu luknaes tumas olsem an olketa man i savegud long yu, fo kamap olsem juri woman. Yu gohed fo slip nomoa wetem eni man hu hemi kam long yu, mekem hemi olsem wea yu blong hem.

Esikiel 16:31

Yu bin gohed fo mekem olketa hae ples fo wosipim olketa kaving, an ples fo duim ravis waka blong yu olsem juri. Bat yu no duim nomoa olsem juri, bikos yu no duim disfala samting fo winim seleni.

Esikiel 23:32

“Mi Lod Yawe nao mi tok olsem: Bae yu dring tu long sem kap wea sista blong yu bin dring long hem. Kap ya nao hemi bik an dip, an panis ya bae hemi had. Bae olketa pipol i mekfan an tokspoelem yu, bikos kap ya hemi fulap fogud.

Neiham 3:4

Olketa samting ya hemi hapen bikos yufala olsem juri woman, wea hemi barava luknaes tumas, bat hemi save tumas long majik wei fo trikim pipol. Long wei ya nao yufala bin gohed fo mekem olketa pipol blong olketa narafala kantri fo falom ravis wei blong yufala, an yufala gohed fo mekem olketa kamap slev blong yufala. Dastawe nao Yawe hemi panisim yufala.

Revelesin 17:16

Nao wael animol ya bae hemi heitem disfala juri ya. An olketa tenfala hon wea yu lukim ya, olketa tu bae olketa heitem hem. Bae olketa tekem evrisamting wea hemi garem, an bae olketa livim hem fo stap neket nomoa. An bae olketa kaikaim tu mit long bodi blong hem an bonem hem long faea.