Esikiel 13:15 - Pijin Bible

^15-16 Bae mi mekem olketa profet ya an disfala wolston wea olketa pendam long laem, fo filim paoa long kros blong mi. Bae mi talem yufala dat wolston wetem olketa laea profet ya i finis nao. Olketa bin gohed fo talem olketa pipol blong Jerusalem wea olketa save stapgud long piis, bat no eni piis long lan. Hem nao mesij blong mi Lod Yawe.”

Pijin Deuterocanon

^15-16 Bae mi mekem olketa profet ya an disfala wolston wea olketa pendam long laem, fo filim paoa long kros blong mi. Bae mi talem yufala dat wolston wetem olketa laea profet ya i finis nao. Olketa bin gohed fo talem olketa pipol blong Jerusalem wea olketa save stapgud long piis, bat no eni piis long lan. Hem nao mesij blong mi Lod Yawe.”

Esikiel 13:15 ပူးပေါင်းရင်းမြစ်များ

Nehemaea 4:3

Den Tobaea, hu hemi man blong Amon, hemi stanap saet blong man ya, hemi tok olsem, “!Datfala wolston wea olketa gohed fo wakem hemi no strong! !Sapos wanfala smol dog nomoa hemi klaeap antap long hem, bae hemi naf nao fo mekem hem foldaon nao!”

Stori abaotem Job 13:4

Yutrifala nating save nomoa long enisamting, yutrifala yusim laea blong yutrifala fo haedem wanem hemi tru. Yutrifala i olsem nomoa trifala yusles dokta.

Sams 62:3

Mi no strong ya, mi olsem haos wea hemi roten finis an hemi kolsap foldaon nao. ?Fo hao long nao bae yufala evriwan i gohed fo faetem mi?

Eksodas 2:3

Bat taem bebi ya hemi kamap bikfala lelebet, mami blong hem hemi no save haedem hem moa. So hemi tekem wanfala bikfala basket wea olketa wakem long wanfala kaen longfala gras long saet wata, an hemi kavarem aotsaet long hem wetem samting fo satem, mekem wata hemi no save go insaet. An hemi leim bebi ya insaet, an hemi go putum long wata insaet long olketa longfala gras wea hemi grou long saet long Nael Riva.

Aesaea 30:13

Dastawe nao disfala wei blong sin bae hemi kamap olsem wanfala bikfala wolston wea yufala tingse hemi save mekem yufala sef, bat hemi garem bikfala hol long hem an hemi redi nao fo foldaon. No longtaem nomoa bae hemi foldaon nao an hemi brek finis.

Jeremaea 14:15

Dastawe nao mi Yawe, mi tok olsem abaotem olketa profet hu gohed fo talemaot laea long nem blong mi: Mi no sendem olketa, bat olketa gohed fo talemaot dat taem blong faet an taem blong hanggre i kanduit kam long lan blong yufala. Bat mi talemaot long yu dat samfala long olketa profet ya bae i dae long taem blong faet, an bae olketa narawan i dae long taem blong hanggre.

Esikiel 13:14

fo kam brekemdaon wolston ya, an letem faondesin blong hem hemi stap nating nomoa. Taem wolston ya hemi brek an foldaon, yufala evriwan hu i dipen long hem, bae i foldaon tu an dae. Long datfala taem, bae yufala jes save dat mi nao Yawe.