Esikiel 12:2 - Pijin Bible

² “Man blong graon. Yu stap long midol long pipol hu i agensim mi. Olketa garem ae, bat les nomoa fo lukluk, an olketa garem ia, bat olketa les nomoa fo lisin, bikos olketa gohed fo agensim mi.

Pijin Deuterocanon

² “Man blong graon. Yu stap long midol long pipol hu i agensim mi. Olketa garem ae, bat les nomoa fo lukluk, an olketa garem ia, bat olketa les nomoa fo lisin, bikos olketa gohed fo agensim mi.

Esikiel 12:2 ပူးပေါင်းရင်းမြစ်များ

2 Kings 17:14

Bat olketa les fo obeim, an olketa bikhed tumas olsem olketa olo blong olketa bifoa hu i no trastem Yawe, God blong olketa.

2 Kings 17:15

Olketa agensim olketa strongfala toktok blong God, an olketa les long spesol agrimen wea hemi bin mekem wetem olketa olo blong olketa bifoa. Olketa no tingting strong long olketa woning blong hem. Olketa bin wosipim olketa yusles god ya, dastawe olketa tu kamap yusles. Nomata Yawe hemi bin talem olketa fo no falom wei blong olketa pipol wea i stap raonem olketa, bat olketa duim nomoa olketa samting Yawe hemi sei i tambu fo duim.

Sams 78:40

Staka taem, taem olketa stap insaet long drae eria, olketa agensim hem, an mekem hem filsore.

Aesaea 1:23

Olketa lida blong yufala i les fo obeim toktok blong mi an olketa fren wetem olketa man fo stil. Oltaem olketa barava hapi fo tekem seleni wea olketa nogud man i nilam olketa long hem. An olketa nating helpem olketa pikinini wea mami an dadi blong olketa i lus, wetem olketa wido tu.

Aesaea 30:1

(Profet) Hem ya mesij blong Yawe. Hemi tok olsem, “!Sore tumas long yufala lida hu i bikhed tumas! Bikos yufala falom nomoa plan blong yufala seleva wea hemi no plan blong mi. An yufala mekem agrimen wetem olketa blong narafala kantri, mekem olketa helpem yufala long faet. Diswan hemi barava agensim tingting blong mi, an yufala gohed fo sin olowe nomoa.

Aesaea 30:9

Olketa pipol ya i bikhed tumas an oltaem nomoa olketa agensim mi. Olketa i olsem pikinini hu hemi laea an hemi les fo lisin. Ya, olketa les fo obeim olketa tising blong mi Yawe.

Aesaea 43:8

Yawe hemi tok moa olsem, “Yufala tekem kam olketa pipol blong mi ya, mekem mi kotem olketa. !Olketa garem ae, bat olketa no save luksave long enisamting! !Olketa garem ia, bat olketa no save heresave long enisamting!

Aesaea 44:18

Olketa pipol olsem, i nating save nomoa long wanem olketa duim. Olketa i olsem man wea hemi blaen an no save lukluk, an maen blong olketa tu hemi tudak fo minim olketa tru toktok.

Aesaea 6:5

Mi tok olsem, “!Man! !Mi barava no fitim fo laef nao! Evri toktok wea hemi kamaot long maos blong mi hemi fulap nomoa long sin, an mi stap long midol long olketa pipol wea evri toktok blong olketa hemi fulap tu long sin. Nomata olsem, mi bin lukim finis disfala King, Yawe hu hemi garem evri paoa.”

Aesaea 65:2

Bat oltaem nomoa yufala pipol blong mi i bikhed tumas an duim olketa nogud samting, an yufala falom tingting blong yufala seleva. Nomata olsem, mi bin redi olowe nomoa fo welkam long yufala.

Jeremaea 4:17

Bae olketa hipap raonem Jerusalem, olsem olketa man hu i hipap raonem gaden fo gadem hem. Bae olketa duim olsem, bikos yufala pipol blong Jerusalem an Jiuda i tanem baeksaet long mi.’

Jeremaea 5:21

!Lisin kam gudfala long disfala toktok, yufala krangge pipol hu no save tingting gudfala! Yufala garem ae, bat yufala kanduit luksave long enisamting. Ya, yufala garem ia, bat yufala kanduit heremsave enisamting.

Jeremaea 5:23

Bat yufala i bikhed tumas, an oltaem yufala gohed fo agensim mi. Yufala les long mi, an yufala lusim mi finis.

Jeremaea 7:26

Bat yufala no lisin long olketa toktok blong mi. Yufala i bikhed tumas an gohed nomoa fo duim olketa ravis samting winim olketa grani blong yufala.

Esikiel 12:1

Yawe hemi talemaot Mesij blong hem long mi. Hemi tok olsem,

Esikiel 12:25

An bae mi Yawe mi tok, an evrisamting mi talem mas hapen nao. Ya, no enisamting hemi save stopem fo no hapen. Yufala hu i laef yet distaem an gohed fo agensim mi, bae mi mekem evrisamting wea mi talem dat bae hemi hapen long yufala, hemi mas hapen nao. Hem nao mesij blong mi Lod Yawe.”

Esikiel 17:12

“Yu mas askem olsem long olketa pipol ya hu i agensim mi, ‘?Waswe, yufala no save long mining blong disfala parabol?’ Yu talem olketa dat mi tok olsem long olketa: King blong Babilonia hemi go long Jerusalem, an hemi tekem king blong yufala wetem olketa bikman, an kam wetem long Babilonia.

Esikiel 2:3

Hemi tok olsem, “Man blong graon. Bae mi sendem yu go long olketa pipol blong Israel. Olketa agensim mi nao, olsem wea olketa grani blong olketa long bifoa i bin agensim mi ka-kam kasem tude.

Esikiel 24:3

Yu mas talem wanfala parabol long olketa pipol ya hu i gohed fo agensim mi. Yu talem olketa dat mi tok olsem: Lod Yawe nao hemi tok olsem: Putum go sospen long faea, an fulumap long wata.

Esikiel 3:9

Bae mi mekem yu fo kamap strong fogud olsem ston wea hemi had fogud, an bae yu winim olketa nomoa. Nomata olketa i pipol hu i barava agensim mi olowe nao, bat yu mas no fraetem olketa.

Esikiel 44:6

Yu tok olsem long olketa blong Israel hu i gohed fo agensim mi. Yu talem olketa dat mi Lod Yawe nao mi tok olsem: !Pipol blong Israel! !Olketa ravis wei wea yufala gohed fo duim olsem, hemi mas finis nao!

Gudnius abaotem Jisas Kraes wea Mak hemi raetem 4:12

Long diskaen wei nao, ‘Nomata olketa lukluk, bae olketa nating luksave nomoa long enisamting. an nomata olketa lisin, bae olketa nating heresave nomoa long enisamting. From diswan nao olketa no save lusim ravis wei blong olketa, an dastawe God hemi no save fogivim olketa tu.’”

Gudnius abaotem Jisas Kraes wea Luk hemi raetem 8:10

Bat Jisas hemi sei, “God hemi bin givim yufala save finis fo luksave long olketa tru samting wea hemi staphaed insaet long kingdom blong God. Bat olketa nara pipol nao mas herem olketa samting ya long tokpiksa nomoa. Long diskaen wei nao, nomata olketa lukluk, bae olketa nating luksave nomoa, an nomata olketa lisin, bae olketa nating heresave nomoa.”

Gudnius abaotem Jisas Kraes wea Jon hemi raetem 12:40

“Mi satem ae blong olketa finis nao, an mi mekem tingting blong olketa fo sat tu. So long distaem, ae blong olketa i no save luksave, an tingting blong olketa i no save minim, an olketa no save kambaek moa long mi, mekem mi save mekem olketa gudbaek moa.”

2 Korin 3:14

So tingting blong olketa hemi barava sat. An nomata distaem, taem olketa ridim olketa buk abaotem olfala spesol agrimen ya, wanfala samting olsem kaleko hemi satem tingting blong olketa yet. Disfala samting hemi save aot nomoa taem olketa joen wetem Kraes.

Efesas 4:18

Olketa no savegud long enisamting, an olketa stap farawe from disfala tru laef wea God hemi givim, bikos olketa bikhed tumas mekem olketa no save long enisamting blong God.

Diutronomi 29:3

Yufala lukim olketa trabol, an olketa mirakol, an olketa bikfala samting wea i somaot paoa blong Yawe.

Diutronomi 29:4

Bat kam kasem distaem, hemi no openem tingting blong yufala, mekem yufala minim olketa samting wea hemi kamap. Hemi no openem ae blong yufala fo luksave long olketa samting ya, an hemi no openem ia blong yufala tu, mekem yufala heremsave.

Diutronomi 31:27

Mi save finis wea yufala i bikhed tumas, an yufala save agensim Yawe. Oltaem long laef blong mi, yufala agensim hem, an sapos mi dae, mi save bae yufala save agensim hem moa.

Diutronomi 9:24

Stat long taem wea mi save long yufala, kam kasem distaem, olowe nao yufala bin agensim Yawe.

Diutronomi 9:7

“Olowe nao, yufala mas tingabaotem olketa samting yufala bin duim long drae eria wea i mekem Yawe, God blong yufala, hemi kros tumas long yufala. Stat long taem yufala lusim Ijip, kam kasem taem wea yufala kasem disfala ples, yufala gohed fo agensim Yawe.