Esikiel 12:13 - Pijin Bible

¹³ Bat bae mi putum wanfala trap fo kasholem hem. An bae mi tekem hem kam long taon long Babilon. Bae hemi no save lukim taon ya an bae hemi stap long ples ya go-go hemi dae.

Pijin Deuterocanon

¹³ Bat bae mi putum wanfala trap fo kasholem hem. An bae mi tekem hem kam long taon long Babilon. Bae hemi no save lukim taon ya an bae hemi stap long ples ya go-go hemi dae.

Esikiel 12:13 ပူးပေါင်းရင်းမြစ်များ

Stori abaotem Job 18:10

Olketa bin haedem wanfala rop long graon, fo hemi pas long lek blong hem. Rop ya hemi holemtaet nao.

Stori abaotem Job 19:6

Bat wea, yutrifala mas save dat God nao hemi mekem mi fo safa. An hemi holem mi long trap blong hem.

Sams 11:6

Bae hemi sendem kamdaon faea wetem olketa hot ston, fo bonem olketa ya finis. An bae hemi panisim olketa long win wea hemi barava hot fogud.

Sams 66:11

Yu letem mifala foldaon nomoa insaet long trap, an yu mekem mifala fo karihevi tumas.

Jeremaea 24:8

“Bat disfala King Sedekaea hu hemi king blong Jiuda, an olketa bikman blong hem, wetem olketa narafala pipol blong Jerusalem hu bin stap bihaen long Jerusalem, an olketa hu bin ranawe go long Ijip, olketa ya i olsem diskaen nogud frut wea man no save kaikaim. An bae mi torowem olketa, olsem man hemi torowem olketa nogud frut ya.

Jeremaea 32:5

Bae king ya hemi tekem Sedekaea go long Babilonia, an bae hemi stap long ples ya, go-go kasem taem wea mi jajem hem. Nomata hemi faet agensim olketa blong Babilonia, bat bae hemi no save win.’ Hem nao mesij blong Yawe.”

Jeremaea 34:3

Long datfala taem, bae yu no save ranawe. Bae olketa tekem yu, an givim yu go long hem, mekem yu lukim hem wetem ae blong yu, an hemi save toktok long yu. An bihaen, bae yu go long Babilonia.

Jeremaea 37:17

Bihaen, King Sedekaea hemi sendem mesij fo olketa tekem Jeremaea kam long haos blong hem. Hemi askem hem olsem, “?Profet, waswe? ?Yawe hemi givim eni Mesij blong hem long yu, o nomoa?” Profet hemi ansa olsem, “Ya king, Yawe hemi talem dat bae yu kamap andanit long paoa blong king blong Babilonia.”

Jeremaea 39:7

An bihaen, olketa aotem tufala ae blong Sedekaea, an olketa taengem tufala han blong hem long strongfala sen fo tekem hem go long Babilonia.

Jeremaea 50:24

“Olketa pipol blong Babilonia. Mi redim wanfala trap fo yufala, an bifoa yufala save, trap ya hemi kasem yufala. Ya, mi kasem yufala olsem, bikos yufala bin gohed fo agensim mi Yawe.

Lamentesin 1:13

“Hemi sendem kamdaon faea from antap, wea hemi gohed fo bone insaet long mi. Hemi putum wanfala trap fo mi, mekem mi foldaon. Hemi lusim mi, mekem mi wikdaon fogud.

Lamentesin 3:47

Mifala safa tumas, an plande trabol tu hemi kasem mifala. Mifala i fraet fogud, an laef blong mifala hemi barava nogud tumas.”

Esikiel 12:6

Taem hemi kolsap tudak, yu karim basket ya antap long solda blong yu, mekem pipol save lukim yu. Yu mas kavaremap fes blong yu mekem yu no save lukim lan, an wakabaot go nao. Disfala samting wea yu duim, bae hemi olsem wanfala saen fo wonem olketa pipol blong Israel.”

Esikiel 17:16

“Mi mekem disfala strongfala promis long nem blong mi Lod Yawe hu mi laef olowe: Bae disfala man mas dae long Babilonia, bikos hemi no kipim agrimen ya wea hemi mekem wetem king blong Babilonia, an hemi no laek fo frengud wetem hem moa.

Esikiel 17:20

Bae mi kasem hem olsem animol wea hemi pas insaet long net, an tekem hem go long Babilonia. Long ples ya nao bae mi panisim hem, bikos hemi les long mi an hemi no tinghevi moa long mi.

Esikiel 32:3

Lod Yawe nao hemi tok olsem: Taem olketa blong olketa narafala kantri i hipap kam tugeta, bae mi torowem net blong mi antap long yu an letem olketa pipol fo pulum yu goap long soa.

Hosia 7:12

Taem olketa gohed fo olobaot nomoa olsem, bae mi putum wanfala net fo kasholem olketa an bae mi panisim olketa fo evri ravis wei blong olketa.

Gudnius abaotem Jisas Kraes wea Luk hemi raetem 21:35

olsem animol hemi save sek taem hemi pas insaet long trap. Bikos bae disfala de hemi kam kasem evriwan long disfala wol ya.