Esikiel 11:9 - Pijin Bible

⁹ Bae mi ronem yufala aot from disfala taon, an letem olketa long narafala kantri fo panisim yufala.

Pijin Deuterocanon

⁹ Bae mi ronem yufala aot from disfala taon, an letem olketa long narafala kantri fo panisim yufala.

Esikiel 11:9 ပူးပေါင်းရင်းမြစ်များ

2 Kings 24:4

Hemi bin kilim dae plande pipol wea i no duim eni rong samting. Hemi bin kilim dae plande pipol olsem long Jerusalem, an Yawe hemi no save fogivim disfala sin ya.

Esra 9:7

Stat long taem blong olketa grani blong mifala bifoa kam kasem tude, hemi barava fitim fo mifala mas panis nogud from olketa sin blong mifala. From olketa sin ya, yu bin putum mifala wetem olketa king blong mifala, an olketa prist blong mifala andanit long paoa blong olketa enemi. Olketa ya bin kilim samfala dae, an tekem samfala fo waka olsem slev, an stilim evrisamting blong mifala. Olketa meksem tumas long mifala, an samting ya hemi gohed kam kasem tude.

Sams 106:30

Bat Finehas hemi kilim dae tufala wea i botom blong trabol ya, so siknis ya hemi finis nao.

Sams 106:41

Hemi letem olketa fo go long han blong olketa hiden pipol hu i enemi blong olketa, mekem olketa ya fo rulim olketa nao.

Eklesiastes 8:11

Taem olketa pipol i no tekem kuiktaem panis blong olketa fo ravis samting wea olketa duim, narafala pipol i laekem nomoa fo duim ravis samting.

Jeremaea 29:20

!Olketa! !Lisin kam gudfala long Mesij blong Yawe, yufala evriwan wea olketa bin fosim yufala fo lusim ples blong yufala long Jerusalem an go stap long Babilonia!

Jeremaea 39:6

Long Ribla ya, King Nebukadnesa hemi talem olketa man blong hem fo kilim dae olketa san blong Sedekaea, stret long ae blong hem, an kilim dae tu olketa bikman blong Jiuda.

Esikiel 11:7

“Dastawe nao Lod Yawe, hemi tok olsem: Hemi tru wea disfala taon hemi olsem wanfala sospen. ?Bat wanem nao disfala mit wea bae hemi stap insaet? Olketa ded bodi ya hem nao mit wea hemi stap insaet. An bae mi ronem yufala aot from disfala ples.

Esikiel 16:38

Taem mi jajem yu, bae mi givim yu semkaen panis olsem panis blong woman hu hemi slip wetem narafala man, an woman hu hemi kilim dae pikinini blong hem. Bae mi kilim yu dae, bikos ravis wei ya blong yu hemi mekem mi barava kros fogud.

Esikiel 16:41

Bae olketa bonem evri haos blong yu, an bae mi panisim yu frant long olketa narafala woman wea i hipap kam. Bae mi stopem yu fo no duim moa wei blong juri woman, an yu no save peim moa olketa man hu i slip wetem yu.

Esikiel 21:31

Bae yu barava filim paoa long kros blong mi wea hemi bikfala tumas fo yu. An bae mi givim yu long olketa strongman long faet hu i savegud tumas long wei fo spoelem evrisamting.

Esikiel 30:19

Long wei ya nao, bae mi panisim Ijip, mekem olketa savegud dat mi nao Yawe.”

Esikiel 5:10

Bae yufala garem barava hadtaem long hanggre, mekem yufala kaikaim olketa pikinini blong yufala. An olketa pikinini blong yufala tu bae i kaikaim olketa olo blong olketa. Ya, bae mi panisim yufala, an ronemaot olketa long yufala wea i laef yet fo stap olobaot long olketa narafala kantri, olsem disfala hea wea win hemi karim go olobaot.

Esikiel 5:8

Dastawe nao mi Lod Yawe, mi tok olsem: !Yufala blong Jerusalem! Mi nao mi agensim yufala. From diswan nao, bae mi jajem yufala an panisim yufala long ae blong evri pipol long olketa narafala kantri.

Gudnius abaotem Jisas Kraes wea Jon hemi raetem 5:27

An hemi givim paoa long San blong hem, mekem hem nao bae hemi save jajem evriwan, bikos hem nao disfala San Blong Man.

Leta wea Pol hemi raetem go long sios long Rom 13:4

Bikos olketa ya i wakaman blong God fo duim gudfala samting fo yufala. Bat sapos yufala duim samting nogud, yufala mas fraetem olketa ya, bikos olketa no holem paoa fo nating. Olketa i wakaman blong God, fo panisim pipol hu i duim olketa rong samting.

Diutronomi 28:36

“Yawe bae hemi raosim yufala wetem King blong yufala, an yufala bae go long narafala kantri wea hemi farawe tumas wea yufala an olketa olo blong yufala i no save long hem. Taem yufala stap long kantri ya, bae olketa mekem yufala fo wosipim olketa narafala god wea i tambu kaving long timba an ston nomoa.

Jiud 1:15

Bae hemi jajem evri pipol, an bae hemi panisim evriwan long olketa ravis man wea olketa no obei long hem, bikos olketa nao duim olketa ravis samting an olketa talem olketa ravis toktok agensim hem.”