Esikiel 11:3 - Pijin Bible

³ Olketa tok olsem, ‘No longtaem, bae yumi stat fo wakem moa olketa haos blong yumi. Disfala taon hemi olsem wanfala aean sospen, an yumi stap sef nomoa insaet olsem mit insaet long sospen ya.’

Pijin Deuterocanon

³ Olketa tok olsem, ‘No longtaem, bae yumi stat fo wakem moa olketa haos blong yumi. Disfala taon hemi olsem wanfala aean sospen, an yumi stap sef nomoa insaet olsem mit insaet long sospen ya.’

Esikiel 11:3 ပူးပေါင်းရင်းမြစ်များ

2 Kings 4:38

Profet Elaesa hemi gobaek long Gilgal, an long datfala taem, taem blong hanggre hemi kasem Israel. Nao hemi gohed fo mit tugeta wetem olketa profet long dea. Hemi talem wanfala wakaman blong hem fo putum wanfala bikfala sospen long faea an kukim supsup fo olketa profet.

Aesaea 5:19

Yufala gohed fo mekfan an tok olsem, “Holi God blong yumi long Israel mas duim kuiktaem olketa samting wea hemi promis fo duim mekem yumi save lukim. Ya, hemi mas mekem olketa plan blong hem fo kamtru mekem yumi save long hem.”

Esikiel 12:22

“Man blong graon. Oltaem, olketa blong Israel i gohed fo talem disfala toktok olsem, ‘Plande taem hemi go finis nao, bat olketa profesi i nating hapen nomoa.’

Esikiel 12:27

“Man blong graon. Olketa pipol blong Israel i tingse olketa samting wea mi somaot long olketa spesol drim ya bae hemi no save hapen distaem, bat hemi barava longtaem yet bifoa hemi hapen.

Esikiel 7:7

Taem hemi kam nao wea yufala evriwan hu i stap long disfala lan, bae i lus finis. No longtaem nao, bae yufala no save singaot moa fo hapi long tambuples antap long olketa maonten, bat yufala singaot nomoa long fraet.

Emos 6:5

Yufala laekem tumas fo mekem nomoa olketa niufala singsing, olsem wea King Deved hemi bin duim bifoa, an oltaem yufala gohed fo singim olketa singsing ya wetem olketa gita.

Maeka 3:3

Hemi olsem wea yufala gohed fo kaikaim olketa. Ya, hemi olsem wea yufala gohed fo brekem bon blong olketa, an katem olketa long smolfala pisis, olsem wea man hemi katem mit fo putum long sospen.

2 Pita 3:4

An bae olketa sei, “?Wea nao Jisas ya? ?Hemi promis fo kambaek, bat wea nao hemi stap? Olketa olo blong yumi i dae finis, bat evrisamting hemi semsem nomoa olsem taem disfala wol hemi stat.”