Esikiel 11:13 - Pijin Bible

¹³ Nao taem mi gohed fo talemaot disfala profesi blong Yawe, seknomoa, Pelataea, san blong Benaea, hemi foldaon an dae nao. So, mi baodaon go-go fes blong mi hemi tasim graon, an mi kolaot bikfala olsem, “!Ooo, Lod Yawe! ?Waswe, bae yu kilim dae nomoa evriwan blong Israel hu i laef yet?”

Pijin Deuterocanon

¹³ Nao taem mi gohed fo talemaot disfala profesi blong Yawe, seknomoa, Pelataea, san blong Benaea, hemi foldaon an dae nao. So, mi baodaon go-go fes blong mi hemi tasim graon, an mi kolaot bikfala olsem, “!Ooo, Lod Yawe! ?Waswe, bae yu kilim dae nomoa evriwan blong Israel hu i laef yet?”

Esikiel 11:13 ပူးပေါင်းရင်းမြစ်များ

1 Kings 13:4

Taem King Jeroboam hemi herem man blong God tokagensim olta ya, hemi apem han blong hem an hemi poen go long man ya. Den hemi tok olsem, “!Holem man ya!” Bat seknomoa, han blong hem hemi dae, an hemi had fo benem moa.

Sams 106:23

So God hemi talem dat bae hemi spoelem olketa pipol blong hem. Bat Mosis hu God hemi bin siusim fo wakaman blong hem, hemi agensim tingting blong God. So hemi stopem God fo no kros an fo no spoelem olketa.

Sams 119:120

Mi barava seksek fogud bikos mi fraetem yu. Ya, taem mi tingim wei wea yu jajem pipol, mi barava fraet fogud.

Provebs 6:15

So seknomoa, trabol bae kasem olketa, an bae olketa dae from.

Esikiel 11:1

Insaet long spesol drim ya, paoa blong God hemi liftim mi ap, an hemi tekem mi go long geit wea hemi stap long ist saet long Tambuhaos blong Yawe. Long geit ya, tuenti-faev man nao i stap. Insaet long grup ya, mi lukim tufala lida blong Israel wea nem blong tufala nao, Jaasanaea, san blong Asua, an Pelataea, san blong Benaea.

Esikiel 11:14

Yawe hemi talemaot Mesij blong hem long mi. Hemi tok olsem,

Esikiel 20:17

“Bat mi sore tumas long olketa. Hem nao mi no spoelem olketa, o kilim evriwan dae insaet long drae eria.

Esikiel 37:7

So mi talemaot disfala profesi long olketa bon ya, olsem Yawe bin talem long mi. An taem mi gohed fo toktok, mi herem dat olketa bon ya i gohed fo banga tugeta an meknoes, an mi lukim dat olketa gohed fo muv, an gohed fo joen tugeta moa.

Esikiel 7:2

“Man blong graon. Mi Lod Yawe nao mi tok olsem long olketa hu i stap long lan blong Israel: !Yufala finis nao! Taem fo spoelem finis disfala lan blong yufala hemi kam nao.

Esikiel 9:8

Taem olketa ya i gohed fo kilim dae olketa pipol, mi stap seleva nao. An mi leidaon wetem fes blong mi long graon an mi kraeaot bikfala olsem, “!Lod Yawe! Mi save dat yu kros tumas long olketa pipol blong Jerusalem. ?Bat waswe, bae yu kilim dae nomoa evri pipol ya long laen blong Israel?”

Hosia 6:5

Dastawe nao mi sendem go olketa profet blong mi fo talemaot toktok blong mi, an sei wea bae mi kam fo panisim yufala. An wei wea mi jajem yufala hemi saenaot kam olsem laet.

Emos 7:2

go-go olketa barava finisim evrisamting wea hemi grou long datfala ples. An mi tok olsem, ?!Lod Yawe! !Plis yu fogivim sin blong olketa pipol blong yu long Israel! ?Sapos yu panisim olketa pipol ya olsem, hao nao bae olketa save laef??

Emos 7:5

Mi tok moa olsem, ?!Lod Yawe! !Plis yu kilim dae disfala faea! ?Sapos yu panisim olketa pipol ya olsem, hao nao bae olketa save laef??

Aposol 13:11

Distaem bae Masta hemi jajem yu, mekem ae blong yu hemi blaen fo longtaem ya an bae yu no save lukim san.” Semtaem nomoa, samting olsem blakfala smok hemi kam kavarem tufala ae blong Elimas nao. So hemi go olobaot an trae fo faendem eniwan fo holem han blong hem fo lidim hem go.

Aposol 5:10

Semtaem nomoa, woman ya hemi foldaon an hemi dae nao long frant blong Pita. Olketa yangman ya olketa kam insaet, an olketa lukim dat woman ya hemi dae finis tu. So olketa karim hem go aotsaet an olketa berem hem long saet blong hasban blong hem.

Aposol 5:5

Semtaem Ananaeas hemi herem diswan nomoa, hemi foldaon an hemi dae nao. An evriwan hu i herem wanem hemi hapen, olketa barava fraet fogud nao.

Diutronomi 7:4

Sapos yufala duim olsem, bae olketa save tanem tingting blong olketa pikinini blong yufala mekem olketa no falom Yawe bat go falom olketa narafala god. Sapos olketa duim olsem, Yawe bae hemi kros tumas long yufala, an kuiktaem nomoa bae hemi spoelem yufala.