Esikiel 11:11 - Pijin Bible

¹¹ Disfala taon bae no save kipim yufala sef olsem wea sospen hemi gadem mit wea hemi stap insaet, bikos bae mi ronem yufala aot, an panisim yufala bifoa yufala save ranawe an krosim olketa baondri blong Israel.

Pijin Deuterocanon

¹¹ Disfala taon bae no save kipim yufala sef olsem wea sospen hemi gadem mit wea hemi stap insaet, bikos bae mi ronem yufala aot, an panisim yufala bifoa yufala save ranawe an krosim olketa baondri blong Israel.

Esikiel 11:11 ပူးပေါင်းရင်းမြစ်များ

Esikiel 11:3

Olketa tok olsem, ‘No longtaem, bae yumi stat fo wakem moa olketa haos blong yumi. Disfala taon hemi olsem wanfala aean sospen, an yumi stap sef nomoa insaet olsem mit insaet long sospen ya.’

Esikiel 24:3

Yu mas talem wanfala parabol long olketa pipol ya hu i gohed fo agensim mi. Yu talem olketa dat mi tok olsem: Lod Yawe nao hemi tok olsem: Putum go sospen long faea, an fulumap long wata.

Esikiel 24:6

“Dastawe nao Lod Yawe, hemi tok olsem: !Sore tumas long disfala taon! Bikfala trabol nao bae kasem hem bikos hemi fulap long blad blong olketa man wea olketa nara man bin kilim dae. Taon ya hemi olsem sospen wea olketa nating klinim, an olfala ravis mit hemi pas nogud long insaet long sospen ya. Taem olketa kukim olketa nambawan pisis long mit ya insaet long ravis sospen, olketa mas aotem evri pisis from insaet long hem, an no wari long wanem fo aotem fastaem.