Esikiel 10:2 - Pijin Bible

² Yawe hemi tok olsem long man ya hu hemi werem barava nambawan kaleko, “Yu go long midol long olketa wil ya wea hemi stap andanit long olketa enjel ya, an tekem samfala hot sakol long faea an torowem go olobaot antap long taon ya.” An taem mi gohed fo lukluk, hemi wakabaot go long midol long olketa wil ya.

Pijin Deuterocanon

² Yawe hemi tok olsem long man ya hu hemi werem barava nambawan kaleko, “Yu go long midol long olketa wil ya wea hemi stap andanit long olketa enjel ya, an tekem samfala hot sakol long faea an torowem go olobaot antap long taon ya.” An taem mi gohed fo lukluk, hemi wakabaot go long midol long olketa wil ya.

Esikiel 10:2 ပူးပေါင်းရင်းမြစ်များ

2 Kings 25:9

Hemi bonem Tambuhaos blong Yawe, an haos blong king, an olketa haos long Jerusalem. Hemi bonem evri impoten haos long taon ya.

Sams 140:10

Hemi gud tumas sapos bikfala faea hemi foldaon kam an bonem olketa. An hemi gud tumas sapos yu torowem olketa go insaet long wanfala hol wea olketa no save kamaot moa.

Sams 18:10

Hemi sidaon antap long wanfala enjel fo flae kam, nao hemi flae kuiktaem kam wetem win taem hemi blou kam.

Eksodas 25:18

Bae yu mas wakem tufala kaving blong enjel wea i garem wing long gol wea yu hamarem. An yu mas putum tufala enjel ya antap long tufala en blong kava,

Aesaea 30:30

Bae Yawe hu hemi King blong yumi, hemi mekem evri pipol fo herem bikfala voes blong hem. An bae hemi somaot paoa blong hem long olketa olsem wanfala faea wea hemi hot fogud an hemi bonem evrisamting. Ya, bae hemi kam olsem tanda an kamdaon olsem bikfala ren wetem olketa ston blong aes.

Esikiel 1:13

Olketa laef samting ya i saenaot olsem olketa sakol long faea wea hemi laet bikfala. Wanfala samting olsem faea wea hemi laet bikfala hemi gohed fo muv olobaot long midol long olketa laef samting ya. Faea ya hemi gohed fo sutim aot faea olsem laetning.

Esikiel 10:16

an taem olketa goap, evri wil ya i goap wetem olketa tu. An taem olketa stretem wing blong olketa fo flae, olketa wil ya i gohed fo stap saet long olketa.

Esikiel 9:11

Den disfala man hu hemi werem barava nambawan kaleko an holem olketa samting fo raet, hemi kambaek an tok olsem long Yawe, “Mi duim finis evrisamting wea yu talem mi fo duim.”

Daniel 7:9

Taem mi gohed fo lukluk, Samfala pipol i redim olketa tron. Man hu hemi bin stap kam fo evritaem olowe, hemi kam an sidaon long tron blong hem. Kaleko blong hem hemi barava waet fogud, an hea blong hem tu hemi waet fogud. Bikfala tron blong hem ya, faea hemi gohed fo laet olobaot long hem, an olketa wil blong tron ya, i gohed fo laet olsem faea.

Revelesin 8:5

Bihaen nomoa, enjel ya hemi tekem sosa blong insens an hemi fulumapem long faea long olta. Hemi tekem nomoa, an hemi torowem godaon long wol. Taem ya nomoa, bikfala noes nao hemi kam an laetning hemi laet an tanda hemi bosta an wanfala etkuek hemi sekem graon.