Esikiel 10:1 - Pijin Bible

¹ Insaet long spesol drim ya, mi luk goap an mi lukim wanfala samting olsem bikfala sea blong king wea olketa wakem long disfala barava spesol ston olketa kolem sapia, an sea ya hemi stap antap long disfala ruf wea hemi stap ovam hed blong olketa enjel ya.

Pijin Deuterocanon

¹ Insaet long spesol drim ya, mi luk goap an mi lukim wanfala samting olsem bikfala sea blong king wea olketa wakem long disfala barava spesol ston olketa kolem sapia, an sea ya hemi stap antap long disfala ruf wea hemi stap ovam hed blong olketa enjel ya.

Esikiel 10:1 ပူးပေါင်းရင်းမြစ်များ

Jenesis 18:17

An taem olketa gohed fo wakabaot, Yawe hemi gohed fo tingting olsem, “Olketa samting wea bae mi duim ya, bae mi no haedem olketa from Ebraham.

Jenesis 18:2

Hemi luk go long rod, an hemi lukim trifala man wea olketa gohed fo stanap nomoa long ples ya. Taem hemi lukim trifala ya, hemi stanap, an hemi kuiktaem go fo mitim trifala ya. An taem hemi go kolsap long trifala, hemi baodaon go-go fes blong hem kasem graon,

Jenesis 18:22

Nao tufala narafala man ya i gohed fo wakabaot go long Sodom, bat Yawe hemi stap nomoa bihaen wetem Ebraham.

Jenesis 18:31

Nao Ebraham hemi tok moa olsem, “?Yawe, plis yu no tingse mi gohed fo tokpraod, taem mi gohed fo tok wetem yu olsem. Waswe, sapos tuenti gudfala pipol nomoa hemi stap?” An hemi tok olsem, “Sapos mi faendem wea i garem tuenti gudfala pipol nomoa hemi stap, bae mi no save spoelem.”

Jenesis 3:24

An hemi putum olketa enjel fo olketa gohed fo gad long saet long ist long gudfala ples ya long Iden. An olketa gad wetem olketa naef fo faet. Kaen naef ya, faea nao hemi gohed fo laet long olketa, an hemi gohed fo raon-raon satem ples ya. Yawe hemi duim diswan fo stopem olketa man fo no go kolsap long tri ya wea frut blong hem hemi save givim laef.

Jenesis 32:24

So hemi stap baek seleva long saet riva ya wea olketa bin stap long hem. Nao wanfala man hemi kam, an hemi holem hem, nao tufala gohed fo faet long han, go-go kolsap san hemi kamap.

Jenesis 32:30

So Jekob hemi tok olsem, “!Maewat! !Mi barava lukim fes blong God nao long ae blong mi, bat mi laef yet!” Nao hemi kolem ples ya “Peniel” o “Fes blong God”.

Sams 18:10

Hemi sidaon antap long wanfala enjel fo flae kam, nao hemi flae kuiktaem kam wetem win taem hemi blou kam.

Eksodas 24:10

an olketa lukim God blong Israel. Long ples ya wea hemi stanap long hem, olketa lukim olketa naesfala ston ya olketa kolem sapia wea hemi mekem wanfala flat ples fo wakabaot long hem. An kala blong hem hemi blu olsem skae.

Jeremaea 13:6

Nao longtaem bihaen, Yawe hemi tok moa olsem long mi, “Yu gobaek moa long Para, an tekem lavalava ya wea mi talem yu fo haedem.”

Jeremaea 13:8

“Nao Yawe hemi talemaot Mesij blong hem long mi.

Esikiel 1:1

Mi nao Esikiel, san blong Busi, an mi wanfala prist. Long mekfaev de long mekfoa mans long mekteti yia, God nao hemi openem skae an som long mi samfala samting long spesol drim. Long datfala taem, mi bin stap saet long Keba Riva long lan long Babilonia wetem olketa narafala pipol wea olketa blong Babilonia bin fosim olketa fo lusim lan blong olketa an kam stap long Babilonia.

Esikiel 10:20

Mi luksave dat olketa enjel ya i sem nomoa olsem olketa laef samting wea mi bin lukim olketa saet long Keba Riva. Olketa nao bin stap andanit long God blong Israel.

Esikiel 11:22

Long disfala spesol drim, mi lukim dat olketa enjel i stretem wing an flae, an olketa wil wea i stap kolsap long olketa i goap wetem, an saen long bikfala paoa blong God blong Israel, hemi stap antap long olketa.

Esikiel 9:11

Den disfala man hu hemi werem barava nambawan kaleko an holem olketa samting fo raet, hemi kambaek an tok olsem long Yawe, “Mi duim finis evrisamting wea yu talem mi fo duim.”

Habakuk 2:1

Oraet, bae mi gohed fo lukluk olsem sekiuriti hu hemi stanap antap long bikfala wolston long taon. Mi weitem Yawe fo herem wanem nao bae hemi talem fo ansarem mi, an lukim wanem nao bae hemi duim.

Gudnius abaotem Jisas Kraes wea Jon hemi raetem 1:18

No eniwan barava lukim God yet ya. Bat San Blong God hu hemi wanfala nomoa an hemi barava God an hemi barava stap wetem Dadi blong hem, hem nao hemi somaot God long yumi.

Efesas 1:20

wea God hemi yusim taem hemi mekem Kraes fo laefbaek moa from dae, an mekem hem sidaon long raetsaet blong hem long heven.

Josua 6:2

Yawe hemi tok olsem long Josua, “Distaem mi putum finis Jeriko wetem paramaon sif blong hem, an olketa strongfala soldia blong taon ya long han blong yu.

1 Pita 3:22

Jisas ya nao hemi goap long heven an hemi sidaon long raetsaet blong God. An hemi rul ovarem olketa enjel an evri paoa long heven.

Revelesin 1:13

An long midol long olketa lam ya, mi lukim wanfala man wea hemi luk olsem san blong man. Hemi werem longfala kaleko wea hemi kasem graon an hemi garem wanfala gol strap raonem sest blong hem.