Esikiel 1:8 - Pijin Bible

⁸ Olketa laef samting ya evriwan i garem fofala fes an fofala wing, an andanit long evri wing, olketa garem han olsem man.

Pijin Deuterocanon

⁸ Olketa laef samting ya evriwan i garem fofala fes an fofala wing, an andanit long evri wing, olketa garem han olsem man.

Esikiel 1:8 ပူးပေါင်းရင်းမြစ်များ

Aesaea 6:6

Wanfala long olketa enjel ya hemi go long olta an hemi pikimap wanfala hot sakol long samting fo holem faea an hemi flae kam wetem long mi.

Esikiel 1:17

Taem olketa wil ya i muv, olketa save muv long eni saet wea fofala laef samting ya i muv long hem, an no eniwan long olketa hemi tane taem olketa go long wanfala saet o long narafala saet.

Esikiel 10:11

Taem olketa wil ya i muv, olketa save muv go long eni saet wea fofala enjel ya i muv long hem, an no eniwan long olketa hemi tane taem olketa go long wanfala saet o long narafala saet. An olketa enjel i muv long eni saet wea hed ya hemi luk go long hem.

Esikiel 10:18

Nao saen long bikfala paoa blong Yawe, hemi lusim doa blong Tambuhaos ya, an hemi muv go antap long olketa enjel ya.

Esikiel 10:2

Yawe hemi tok olsem long man ya hu hemi werem barava nambawan kaleko, “Yu go long midol long olketa wil ya wea hemi stap andanit long olketa enjel ya, an tekem samfala hot sakol long faea an torowem go olobaot antap long taon ya.” An taem mi gohed fo lukluk, hemi wakabaot go long midol long olketa wil ya.

Esikiel 10:21

Olketa evriwan i garem fofala fes, an fofala wing, an andanit long olketa wing ya olketa garem samting wea hemi luk olsem han blong man.

Esikiel 8:3

Hemi luk olsem wea man ya hemi stretem kam han blong hem, an hemi holem hea long hed blong mi. Nao paoa blong God hemi liftim mi goap long midol long skae an graon, an hemi tekem mi go long Jerusalem. Hemi tekem mi gotru disfala geit wea hemi stap long not saet long Tambuhaos ya, fo go insaet long smolfala open eria kolsap long Tambuhaos. Long smolfala open eria ya, wanfala kaving god hemi stap wea hemi mekem God barava kros tumas, bikos olketa pipol wosipim disfala kaving ya.