Esikiel 1:28 - Pijin Bible

²⁸ Disfala laet wea hemi saen bikfala raonem hem hemi barava luknaes tumas olsem olketa kala blong renbo. Bikfala laet ya hemi saen long bikfala paoa blong Yawe. Taem mi lukim nomoa disfala samting, mi leidaon long daon nao wetem fes blong mi long graon, nao mi herem wanfala voes hemi tok kam long mi.

Pijin Deuterocanon

²⁸ Disfala laet wea hemi saen bikfala raonem hem hemi barava luknaes tumas olsem olketa kala blong renbo. Bikfala laet ya hemi saen long bikfala paoa blong Yawe. Taem mi lukim nomoa disfala samting, mi leidaon long daon nao wetem fes blong mi long graon, nao mi herem wanfala voes hemi tok kam long mi.

Esikiel 1:28 ပူးပေါင်းရင်းမြစ်များ

Jenesis 17:3

Nao Ebram hemi baodaon go-go fes blong hem kasem graon, an God hemi tok olsem long hem,

Eksodas 16:10

Taem Eron hemi gohed fo tok yet long olketa, olketa luk go long drae eria. Seknomoa, bikfala paoa blong Yawe hemi saenaot kam long klaod.

Eksodas 16:7

An tumoro long moning, bae yufala lukim bikfala paoa blong Yawe, bikos hemi herem finis olketa toktok blong yufala agensim hem. Yufala mas save dat taem yufala gohed fo komplen agensim mitufala, yufala komplen nomoa agensim Yawe. Mitufala ya i wakaman blong hem nomoa.

Eksodas 24:16

An saen long bikfala paoa blong Yawe hemi stap antap long maonten long Saenae, an disfala klaod hemi haedem maonten ya fo siksfala de. Long mekseven de, Yawe hemi kol kam long Mosis an voes blong hem hemi kamaot from insaet long disfala klaod.

Eksodas 24:17

Paoa blong Yawe hemi saenaot kam olsem bikfala faea antap long maonten, an olketa pipol blong Israel i save lukim.

Esikiel 10:4

Den saen long bikfala paoa blong Yawe, hemi muv goap from olketa enjel ya, an hemi muv go nao long doa blong Tambuhaos ya. Klaod ya hemi fulumap Tambuhaos nao, an bikfala paoa blong Yawe hemi saen bikfala fogud insaet long eria ya.

Esikiel 3:23

So mi stanap an go nao long bikfala flat ples ya. An mi lukim laet long bikfala paoa blong Yawe hemi saen fogud. Laet ya hemi olsem tu datfala bikfala laet wea mi bin lukim bifoa saet blong Keba Riva, an mi leidaon wetem fes blong mi long graon.

Esikiel 43:2

Long ples ya, mi lukim saen long bikfala paoa blong God blong Israel hemi kamaot long ist. Voes blong hem hemi here olsem noes blong bikfala wev wea hemi brek long rif, an lan ya hemi saen fogud long laet blong bikfala paoa blong hem.

Esikiel 44:4

Den man ya hemi tekem mi gotru long disfala geit long not saet, an mitufala go frant long Tambuhaos. Taem mi luk go, mi lukim dat Tambuhaos blong Yawe hemi fulap long saen long bikfala paoa blong Yawe. So, mi baodaon go-go fes blong mi hemi tasim go long graon.

Esikiel 8:4

An long ples ya mi lukim saen blong bikfala paoa blong God, barava olsem nao mi bin lukim bifoa long bikfala flat ples ya kolsap long Keba Riva.

Daniel 8:17

So, Gebriel hemi kam kolsap long mi, nao mi foldaon long graon bikos mi fraet tumas. Hemi tok olsem long mi, “Man blong wol. Yu mas save long mining blong samting ya. Spesol drim ya wea yu bin lukim, hem nao piksa long en blong olketa nogud samting ya.”

Levitikas 9:24

Seknomoa, faea hemi kamaot from ples wea Yawe hemi stap an hemi bonem evri mit an gris blong sakrifaes long olta. An taem olketa pipol i lukim disfala samting, olketa singaot bikfala, an baodaon go-go fes blong olketa i kasem graon.

Aposol 9:4

So hemi foldaon long graon, an hemi herem wanfala toktok hemi sei, “?Sol, Sol, waswe nao yu gohed fo meksave long mi?”

Leta wea Pol hemi raetem go long sios long Rom 9:4

Olketa nao God hemi siusim olketa, an hemi adoptem olketa olsem pikinini blong hem, an olketa tu bin lukim saen blong bikfala paoa blong hem. God hemi mekem olketa spesol agrimen blong hem wetem olketa, an hemi givim Lo long olketa. An olketa nao save long gudfala wei fo prea, an olketa bin herem olketa promis blong God.

1 Korin 13:12

Distaem, yumi save lelebet nomoa abaotem God. Hemi olsem yumi lukim long glas wea hemi no klia gudfala. Bat long taem wea bae hemi kam, bae yumi lukim evrisamting stret olsem long ae blong God seleva. Long taem ya, bae yumi save finis nao, olsem God hemi save finis abaotem yumi finis.

Revelesin 10:1

Mi lukim moa wanfala enjel hu hemi garem bikfala paoa, hemi lusim heven an kamdaon. Wanfala klaod hemi raonem hem olsem kaleko, an hemi garem wanfala renbou antap hed blong hem. An fes blong hem hemi saen olsem san, an tufala lek blong hem hemi olsem bikfala pos wea i laet long faea.

Revelesin 4:3

An man hu hemi sidaon long tron ya, fes blong hem hemi saen olsem tufala naesfala ston, jaspa an kanilian. An raonem tron ya mi lukim wanfala renbou wea hemi saen olsem disfala naesfala ston emaral.