Esikiel 1:22 - Pijin Bible

²² Antap long hed blong olketa laef samting ya, wanfala samting olsem bikfala ruf wea hemi saen fogud olsem glas nao hemi stap. An taem man hemi lukim, hemi save mekem man hemi fraet tumas.

Pijin Deuterocanon

²² Antap long hed blong olketa laef samting ya, wanfala samting olsem bikfala ruf wea hemi saen fogud olsem glas nao hemi stap. An taem man hemi lukim, hemi save mekem man hemi fraet tumas.

Esikiel 1:22 ပူးပေါင်းရင်းမြစ်များ

Stori abaotem Job 37:22

Laet wea hemi saen bikfala tumas olsem gol, hemi saen kam long not. An disfala saen blong bikfala paoa blong God, hemi mekem yumi barava fraet fogud.

Eksodas 24:10

an olketa lukim God blong Israel. Long ples ya wea hemi stanap long hem, olketa lukim olketa naesfala ston ya olketa kolem sapia wea hemi mekem wanfala flat ples fo wakabaot long hem. An kala blong hem hemi blu olsem skae.

Esikiel 1:25

Taem olketa stanap kuaet olsem, saon blong wanfala voes hemi kamdaon from antap long ruf ya wea hemi stap ovam hed blong olketa.

Esikiel 1:26

Antap long ruf ya, wanfala samting olsem bikfala sea blong king wea olketa wakem long disfala barava spesol ston olketa kolem sapia, hemi stap long hem. An mi lukim samting wea hemi luk olsem wanfala man nao hemi sidaon long hem.

Esikiel 10:1

Insaet long spesol drim ya, mi luk goap an mi lukim wanfala samting olsem bikfala sea blong king wea olketa wakem long disfala barava spesol ston olketa kolem sapia, an sea ya hemi stap antap long disfala ruf wea hemi stap ovam hed blong olketa enjel ya.

Esikiel 10:20

Mi luksave dat olketa enjel ya i sem nomoa olsem olketa laef samting wea mi bin lukim olketa saet long Keba Riva. Olketa nao bin stap andanit long God blong Israel.

Revelesin 21:11

An saen blong bikfala paoa blong God hemi saen kam long biktaon ya. Hemi barava saen fogud olsem naesfala ston jaspa wea hemi klia fogud olsem glas.

Revelesin 4:3

An man hu hemi sidaon long tron ya, fes blong hem hemi saen olsem tufala naesfala ston, jaspa an kanilian. An raonem tron ya mi lukim wanfala renbou wea hemi saen olsem disfala naesfala ston emaral.

Revelesin 4:6

An long frant long tron ya moa, hemi garem wanfala leik wea hemi olsem glas wea hemi saen fogud. Fofala animol nao olketa stanap raonem tron ya long fofala saet long hem. Fofala animol ya i garem plande ae long frant blong olketa an long bihaen blong olketa tu.