Emos 9:6 - Pijin Bible

⁶ Yawe hemi mekem ples blong hem antap go long skae, an hemi mekem wanfala samting olsem bikfala ruf antap long disfala wol. Hemi garem paoa fo mekem wata hemi goap long skae, an fo mekem hem kamdaon moa long wol olsem ren. !Ya, nem blong hem nao, Yawe!

Pijin Deuterocanon

⁶ Yawe hemi mekem ples blong hem antap go long skae, an hemi mekem wanfala samting olsem bikfala ruf antap long disfala wol. Hemi garem paoa fo mekem wata hemi goap long skae, an fo mekem hem kamdaon moa long wol olsem ren. !Ya, nem blong hem nao, Yawe!

Emos 9:6 ပူးပေါင်းရင်းမြစ်များ

Jenesis 2:1

[1:31—2:1] An God hemi lukim olketa waka ya wea hemi bin mekem, olketa i barava gud tumas. Nao olketa waka blong hem fo mekem skae an graon wetem evrisamting wea i stap long tufala hemi finis an de ya hemi finis nao. Hem nao meksiks de blong wol.

Sams 104:13

Yu sendem ren from skae fo kamdaon antap long olketa hil, an hemi mekem graon fo kamap gudfala fo evrisamting wea yu bin mekem.

Sams 104:3

an yu bin mekem ples blong yu antap long skae. Yu yusim olketa klaod olsem kaat wea hos hemi pulum, an yu raed antap long win wea hemi blou.

Jeremaea 5:22

Mi Yawe nao ya. Yufala lukim bikfala solwata. Mi nao putum sanbis olsem spialaen wea solwata ya kanduit gopas long hem. Nomata solwata hemi raf fogud an hemi biksi tumas, bat bae hemi no save ovam mak ya. ?Waswe nao yufala no save fraetem mi? ?Waswe nao yufala no seksek long ae blong mi?

Emos 4:13

God nao hemi garem paoa fo mekem olketa maonten, hem tu hemi save mekem win fo hemi blou, an hemi letem olketa pipol fo save long tingting blong hem. Hemi garem paoa fo mekem delaet fo hemi tudak. Hemi hae tumas, an hemi gohed fo rul long evri ples long wol. Nem blong hem nao Yawe, God hu hemi garem evri paoa.

Emos 5:8

Yawe nao hemi garem paoa. Hemi mekem olketa sta an hemi putum olketa long skae. Hemi mekem tudak fo kamap delaet, an hemi mekem de fo kamap naet. Hemi mekem wata fo goap long skae, an hemi mekem hem kamdaon moa long wol olsem ren. Hemi garem paoa olsem laetning fo spoelem finis olketa strong man blong disfala wol, an fo brekemdaon olketa strongfala sefples blong olketa fo haed long hem. !Ya, nem blong hem nao, Yawe!