Emos 5:8 - Pijin Bible

^8-9 Yawe nao hemi garem paoa. Hemi mekem olketa sta an hemi putum olketa long skae. Hemi mekem tudak fo kamap delaet, an hemi mekem de fo kamap naet. Hemi mekem wata fo goap long skae, an hemi mekem hem kamdaon moa long wol olsem ren. Hemi garem paoa olsem laetning fo spoelem finis olketa strong man blong disfala wol, an fo brekemdaon olketa strongfala sefples blong olketa fo haed long hem. !Ya, nem blong hem nao, Yawe!

Pijin Deuterocanon

^8-9 Yawe nao hemi garem paoa. Hemi mekem olketa sta an hemi putum olketa long skae. Hemi mekem tudak fo kamap delaet, an hemi mekem de fo kamap naet. Hemi mekem wata fo goap long skae, an hemi mekem hem kamdaon moa long wol olsem ren. Hemi garem paoa olsem laetning fo spoelem finis olketa strong man blong disfala wol, an fo brekemdaon olketa strongfala sefples blong olketa fo haed long hem. !Ya, nem blong hem nao, Yawe!

Emos 5:8 ပူးပေါင်းရင်းမြစ်များ

Stori abaotem Job 12:22

Hemi somaot ravis plan wea i staphaed long tudak, an hemi mekem laet fo saen long nogud samting wea i stap long tudak tu.

Stori abaotem Job 37:13

Samfala taem hemi sendem kam ren fo watarem graon an somaot lav blong hem. Bat hemi save sendem kam tu fo panisim olketa pipol.

Stori abaotem Job 38:34

?Waswe, yu save singaot go nomoa long olketa klaod, mekem ren hemi foldaon kam long yu go-go yu tuwet nao?

Stori abaotem Job 9:9

Hem nomoa hemi putum evri grup long sta long skae.

Sams 104:20

Yu nao yu mekem tudak long naet, taem wea evri wael animol save kamaot from ples wea olketa haed long hem.

Sams 105:28

Hem nao Yawe hemi mekem tudak fo kavaremap kantri ya, bat olketa pipol blong Ijip i nating obeim nomoa toktok blong hem.

Aesaea 42:16

Bae mi lidim olketa pipol blong mi hu i blaen fo falom olketa rod wea olketa nating save long hem. Bae mi mekem disfala tudak wea olketa stap insaet long hem fo kamap olsem delaet, an bae mi levolem olketa raf rod fo olketa. Hem nao olketa samting wea mi promis fo duim, an bae mi duim nao wanem mi bin promisim.

Aesaea 59:10

Mifala go olobaot nao olsem olketa pipol hu i blaen. Nomata mifala wakabaot long midol long de, bat mifala foldaon nomoa olsem man hemi wakabaot long midol long naet. Nomata sapos mifala stap wetem olketa hu i strong, bat mifala olsem nomoa pipol hu i dae finis.

Jeremaea 16:21

An Yawe hemi tok olsem, “Dastawe nao bae mi tisim olketa pipol ya fo save dat mi strong, an mi garem paoa, an bae olketa savegud dat nem blong mi nao Yawe.”

Jeremaea 33:2

Profet hemi talemaot mesij ya olsem, “Yawe hemi mekem an wakem disfala wol, an hemi putum hem long ples blong hem. !Nem blong hem nao Yawe! Hem nao hemi tok olsem:

Emos 4:13

God nao hemi garem paoa fo mekem olketa maonten, hem tu hemi save mekem win fo hemi blou, an hemi letem olketa pipol fo save long tingting blong hem. Hemi garem paoa fo mekem delaet fo hemi tudak. Hemi hae tumas, an hemi gohed fo rul long evri ples long wol. Nem blong hem nao Yawe, God hu hemi garem evri paoa.

Emos 8:9

Hem ya mesij blong Lod Yawe, ?Long datfala De , bae mi mekem san fo godaon nomoa long midol long de, an bae mi sensim delaet long tudak.

Emos 9:6

Yawe hemi mekem ples blong hem antap go long skae, an hemi mekem wanfala samting olsem bikfala ruf antap long disfala wol. Hemi garem paoa fo mekem wata hemi goap long skae, an fo mekem hem kamdaon moa long wol olsem ren. !Ya, nem blong hem nao, Yawe!

Matiu 4:16

Olketa pipol ya wea olketa stap long tudak, olketa lukim wanfala bikfala laet. An olketa hu i stap andanit paoa blong dae, disfala laet hemi saen go long olketa.”

Gudnius abaotem Jisas Kraes wea Luk hemi raetem 1:79

olsem san hemi kamap an saen long olketa wea i stap long tudak, an andanit long paoa blong dae. An bae hemi lidim yumi go long rod, wea bae yumi kasem piis long hem.”