Eksodas 9:32 - Pijin Bible

³² Bat hemi no spoelem nomoa olketa wit, bikos olketa wit ya hemi no kamap bikfala yet taem olketa ston long aes i foldaon.

Pijin Deuterocanon

³² Bat hemi no spoelem nomoa olketa wit, bikos olketa wit ya hemi no kamap bikfala yet taem olketa ston long aes i foldaon.

Eksodas 9:32 ပူးပေါင်းရင်းမြစ်များ

2 Samuel 21:9

King Deved hemi givim sevenfala ya go long pipol blong Gibeon. Den olketa go kilim sevenfala dae, an olketa hangem sevenfala bodi long wanfala hil kolsap long tambuples blong Yawe. Olketa duim long taem wea olketa stat fo tekemaot bali long olketa gaden.

Eksodas 10:12

Yawe hemi tok olsem long Mosis, “Yu liftimap han blong yu, mekem olketa grashopa i kavaremap evri ples long kantri ya. Bae olketa gohed fo kaikaim evrisamting wea i grou, an evrisamting tu wea olketa ston long aes hemi no spoelem.”

Eksodas 10:22

So Mosis hemi liftimap han blong hem goap long skae, nao bikfala tudak hemi kavaremap evriwea long kantri ya, an hemi gohed fo stap olsem fo trifala de.

Eksodas 10:5

Bae olketa kamap plande fogud, wea bae olketa barava kavaremap evri graon long ples ya. An bae olketa finisim olketa kaikai wea olketa ston long aes ya hemi no spoelem, wetem evri lif blong olketa tri wea i stap yet.

Eksodas 9:31

Taem olketa ston long aes ya i gohed fo foldaon, hemi barava spoelem fogud olketa gaden long flaks an bali, bikos long datfala taem, olketa kaikai long bali hemi redi finis fo tekemaot an olketa flaks i jes stat fo garem flaoa.

Eksodas 9:33

Mosis hemi lusim king, an taem hemi kasem aotsaet long taon ya, hemi liftimap han blong hem, an hemi prea long Yawe. Tanda an ren ya hemi finis nao an olketa ston long aes hemi no foldaon moa.

Aesaea 28:25

Taem graon hemi redi finis, hemi plantem fastaem sid blong dil an kamin, an bihaen hemi jes plantem sid blong wit an bali. An long saet blong gaden ya, hemi plantem olketa narafala kaen wit moa.

Esikiel 4:9

“Bae yu tekem plande sid blong olketa deferen kaen wit, an blong olketa deferen kaen bin, an putum insaet wanfala bikfala kontena fo stoarem. Bae yu save yusim fo mekem bred. Hem nao kaikai wea bae yu save kaikaim fo disfala 390 de wea bae yu gohed fo leidaon long lef saet blong yu.