Eksodas 5:10 - Pijin Bible

¹⁰ So olketa masta wetem olketa bos i go long olketa slev ya an tok olsem, “King hemi tok olsem, ‘Bae mifala no givim moa olketa drae gras long yufala fo mekem olketa brik.

Pijin Deuterocanon

¹⁰ So olketa masta wetem olketa bos i go long olketa slev ya an tok olsem, “King hemi tok olsem, ‘Bae mifala no givim moa olketa drae gras long yufala fo mekem olketa brik.

Eksodas 5:10 ပူးပေါင်းရင်းမြစ်များ

Eksodas 1:11

So olketa blong Ijip i putum samfala had bos fo fosim olketa blong Israel fo waka olsem slev. Olketa duim olsem fo mekful long olketa. Long disfala wei olketa fosim olketa fo wakem tufala bikfala taon long Pitom an Rameses, wea king hemi kipim kaikai an olketa narasamting long hem.

Eksodas 3:7

Yawe hemi tok moa olsem long hem, “Mi lukim finis hao olketa pipol blong Ijip i gohed fo mekful long olketa pipol blong mi. Mi herem finis tu krae blong olketa mekem mi sevem olketa from pipol hu i mekem olketa waka olsem slev. Mi save finis tu wea olketa barava safa, an mi sore tumas long olketa.

Eksodas 5:11

Yufala mas go lukaotem drae gras blong yufala seleva, long eniples wea yufala save faendem. Bat yufala mas mekem sem namba long brik wea yufala bin mekem bifoa. !Yufala mas no sot long namba blong brik!’ ”

Eksodas 5:6

An long sem de nomoa, king hemi tokstrong long olketa masta blong olketa slev an long olketa man blong Israel hu i bos ovarem olketa wantok blong olketa. Hemi tok long olketa masta an olketa bos olsem,

Eksodas 5:9

Yufala mas fosim olketa ya fo waka had moa. Sapos olsem, bae olketa gohed fo waka an no save lisin long olketa laea blong Mosis.”

Provebs 29:12

Taem bikman lisin long laea, evri wakaman long gavman blong hem bae kamap nogud.

Aesaea 30:6

(Profet) Hem ya profesi abaotem olketa wael animol long Negev, wea hemi long saet long saot blong Jiuda. Yawe hemi tok olsem, “Disfala lan hemi wanfala barava drae eria wea olketa laeon an olketa poesen snek i stap long hem. Long lan ya olketa man fo tekem mesij i gotru long hem, an olketa karim go olketa risis an olketa gudfala samting antap long baeksaet blong olketa dongki an olketa kamel. Olketa tekem olketa samting ya fo givim olsem presen go long datfala yusles kantri Ijip, mekem olketa ya save helpem yufala.