Eksodas 39:28 - Pijin Bible

²⁸ An olketa yusim nambawan waet kaleko fo somap disfala spesol hat fo Eron, an olketa spesol hat fo olketa san blong hem, an olketa sotfala trasis fo olketa.

Pijin Deuterocanon

²⁸ An olketa yusim nambawan waet kaleko fo somap disfala spesol hat fo Eron, an olketa spesol hat fo olketa san blong hem, an olketa sotfala trasis fo olketa.

Eksodas 39:28 ပူးပေါင်းရင်းမြစ်များ

Eksodas 28:32

Yu mas somap wanfala longfala kaleko wea hemi garem hol long midol antap long kaleko ya fo nek blong prist. An yu mas somap wanfala strongfala pis kaleko raonem nek blong disfala longfala kaleko, mekem hemi no save brek kuiktaem.

Eksodas 28:39

“Yu mas somap wanfala spesol longfala kaleko fo hem, long nambawan waet kaleko. An yu mas somap tu wanfala spesol hat blong hae prist long disfala sem kaen nambawan waet kaleko. An yu mas wakem tu wanfala spesol strap an somap olketa piksa long hem fo dekoretem.

Eksodas 28:4

Yu mas talem olketa fo somap wanfala spesol paos fo hangem long sest blong hem, wetem wanfala spesol kaleko wea olketa kolem efod, an wanfala longfala kaleko fo werem antap, an wanfala spesol kaleko fo werem andanit long hem. An olketa mas wakem wanfala spesol hat, an wanfala longfala strap long kaleko. Olketa mas somap olketa kaleko ya fo brata blong yu wetem olketa san blong hem, mekem olketa save waka fo mi olsem prist.

Eksodas 28:40

An yu mas wakem olketa longfala kaleko, an olketa strap, an olketa hat olsem tu fo olketa san blong hem, fo olketa luk impoten mekem olketa pipol save tinghae long olketa.

Eksodas 28:42

“An yu mas yusim nambawan waet kaleko fo somap olketa sot trasis fo olketa, mekem olketa werem fo kavarem olketa seleva gudfala. Olketa trasis ya mas kavarem olketa stat long bele godaon kasem antap long ni.

Eksodas 39:27

Nao olketa somap olketa spesol longfala kaleko fo Eron an olketa san blong hem, long nambawan waet kaleko.

Eksodas 39:29

Olketa wakem olketa spesol strap fo olketa tu long nambawan waet kaleko, an olketa somap tu olketa piksa long olketa long blu koton an papol koton, an red koton. Evrisamting ya, olketa mekem barava olsem wea Yawe bin talem long Mosis.

Jeremaea 13:18

Nao Yawe hemi tok olsem long mi, “Yu talemaot long king an mami blong hem hu hemi wanfala kuin: Yutufala kamdaon from bikfala sea blong yufala, bikos tufala kraon blong yutufala i lus finis.

Esikiel 44:18

Olketa mas taengem nambawan waet kaleko long hed blong olketa, an mas werem sotfala trasis tu, wea olketa wakem long nambawan waet kaleko. Ya, olketa mas no werem enisamting wea hemi save mekem olketa suet.

Levitikas 6:10

Oraet, long moning, wanfala prist hemi mas werem spesol kaleko blong hem wetem sot trasis blong hem an hemi mas go fo tekemaot asis wetem olketa gris long hem, an putum go long saet blong olta.