Eksodas 37:25 - Pijin Bible

²⁵ Olketa yusim timba blong akesia tri fo wakem Olta fo Bonem Insens long hem. Disfala olta hemi skuea, wea longfala an waed blong hem hemi kasem 45 sentemita, an hae blong hem hemi kasem 90 sentemita. Antap long olketa fofala kona blong olta ya, hemi garem fofala samting olsem hon blong buluka, wea i pat blong olta nao.

Pijin Deuterocanon

²⁵ Olketa yusim timba blong akesia tri fo wakem Olta fo Bonem Insens long hem. Disfala olta hemi skuea, wea longfala an waed blong hem hemi kasem 45 sentemita, an hae blong hem hemi kasem 90 sentemita. Antap long olketa fofala kona blong olta ya, hemi garem fofala samting olsem hon blong buluka, wea i pat blong olta nao.

Eksodas 37:25 ပူးပေါင်းရင်းမြစ်များ

2 Kronikols 26:16

Bat taem King Yusaea hemi kamap strong fogud, hemi praod tumas go-go hemi bagarap. Hemi mekem sin agensim Yawe hu hemi God blong hem taem hemi go insaet long Tambuhaos blong Yawe fo hemi bonem insens long Olta fo Bonem Insens.

Eksodas 31:8

Olketa narafala samting nao i Tebol blong Tambu Bred wetem olketa samting blong hem, an Spesol Frem fo putum Lam wetem olketa samting blong hem, wea yu mas wakem olketa long nambawan gol, an Olta fo Bonem Insens,

Eksodas 35:15

An Olta fo Bonem Insens wetem tufala stik fo karim, an tambu oel ya fo mektambu long olketa samting, an insens wea hemi garem gudfala smel, an bikfala kaleko fo satem doa long frant blong tambu haostent ya.

Eksodas 37:24

Olketa yusim teti-foa kilo long nambawan gol fo wakem Spesol Frem fo putum Lam an evrisamting blong hem.

Eksodas 37:26

An olketa kavarem antap blong olta ya, an fofala saet blong hem, an fofala hon blong hem long nambawan gol. An olketa wakem wanfala strap long gol fo hemi goraonem hem fo dekoretem.

Eksodas 40:5

Yu mas tekem kam Olta fo Bonem Insens wea olketa bin kavarem hem long gol, an putum kolsap long bikfala kaleko wea hemi satem go Tambu Boks long Spesol Agrimen. An yu mas tekem narafala kaleko ya fo satem doa blong Tambu Haostent an hangem go long doa ya.

Matiu 23:19

!Yufala blaen fogud ya! ?Wanem nao hemi bikfala moa, disfala sakrifaes, o disfala olta wea hemi mekem sakrifaes ya fo kamap tambu?

Hibrus 13:10

Disfala sakrifaes antap long olta blong yumi, olketa prist hu i waka insaet long disfala Tambuhaos ya olketa no garem raet fo tekem eni kaikai from hem.

Hibrus 7:25

Dastawe nao, hemi garem paoa fo sevem olketa pipol wea olketa kam long God bikos olketa biliv long hem, bikos Jisas hemi laef olowe an hemi save prea go long God fo olketa.

Hibrus 9:4

An insaet long disfala rum ya, olketa kipim disfala olta fo bonem insens long hem wetem Tambu Boks long Spesol Agrimen blong God. Olta an boks ya, olketa kavarem tufala evriwan long gol long evri saet blong hem. An insaet long boks ya, olketa kipim disfala botol long gol wea lelebet kaikai wea olketa kolem “mana” nao hemi stap insaet long hem. An insaet long boks tu, disfala wokingstik blong Eron hemi stap wea hemi bin groubaek moa olsem tri wea hemi garem lif an flaoa an frut long hem. An narasamting long boks ya tu, hemi tufala ston wea God hemi bin raetemdaon Lo long tufala.

1 Pita 2:5

yufala tu i kamap olsem olketa ston wea i garem laef. An long paoa blong Holi Spirit, God hemi yusim yufala fo bildim tambuhaos blong hem. An yufala nao i olketa holi prist blong God. An long nem blong Jisas Kraes, yufala save ofarem olketa sakrifaes long God wea hemi hapi tumas long olketa.