Eksodas 37:20 - Pijin Bible

²⁰ An long pos ya, olketa mekem fofala flaoa long gol wea i luk olsem flaoa blong amon tri.

Pijin Deuterocanon

²⁰ An long pos ya, olketa mekem fofala flaoa long gol wea i luk olsem flaoa blong amon tri.

Eksodas 37:20 ပူးပေါင်းရင်းမြစ်များ

Eksodas 25:31

Yawe hemi gohed fo tok olsem, “Bae yu mas yusim nambawan gol fo wakem wanfala spesol frem fo putum olketa lam. An yu mas hamarem gol ya fo mekem botom an pos blong hem. Olketa kap fo putum oel lam antap long hem, yu mas mekem olketa kap ya fo luk olsem flaoa, mekem evri pat long hem long wanfala pis gol nomoa.

Eksodas 25:33

Long olketa siksfala brans ya, yu mas mekem trifala flaoa long gol wea i luk olsem flaoa blong amon tri.

Eksodas 25:34

An long pos ya, yu mas mekem fofala flaoa long gol wea i luk olsem flaoa blong amon tri.

Eksodas 37:19

Long olketa siksfala brans ya, olketa mekem trifala flaoa long gol wea i luk olsem flaoa blong amon tri.

Eksodas 37:21

Olketa putum wanfala flaoa long trifala ples wea olketa brans i joen long pos, an wanfala flaoa antap long pos ya.

Eklesiastes 12:5

Bae yu fraet fo klae goap long olketa hae ples, an nomata fo wakabaot, bae yu fraet fo duim tu. Hea blong yu bae hemi kamap waet, an bae hemi had tumas fo yu go olobaot o duim enisamting nao. An tingting blong yu fo woman olsem wea yufala save filim distaem taem yu yang yet, bae hemi lus finis tu. Long taem olsem, bae yumi dae an godaon insaet long grev, an bae olketa pipol i falom rod fo sore an krae nomoa fo yumi.

Jeremaea 1:11

Yawe hemi talemaot Mesij blong hem long mi. Hemi tok olsem, “Jeremaea. ?Wanem nao yu lukim?” Mi tok olsem, “Mi lukim wanfala stik blong amon tri.”

Nambas 17:8

Long neks de, taem Mosis hemi kam long Tambu Haostent, hemi lukim dat wokingstik blong traeb blong Livae, wea nem blong Eron stap long hem, hemi grou. Wokingstik ya hemi garem lif an flaoa long hem, an hemi garem tu samfala frut blong amon wea hemi raep.