Eksodas 37:16 - Pijin Bible

¹⁶ Olketa wakem evrisamting fo yusim long tebol ya, long barava nambawan gol. Hem nao olketa plet an besin, wetem olketa kap an botol fo putum waen wea olketa ofarem kam long Yawe.

Pijin Deuterocanon

¹⁶ Olketa wakem evrisamting fo yusim long tebol ya, long barava nambawan gol. Hem nao olketa plet an besin, wetem olketa kap an botol fo putum waen wea olketa ofarem kam long Yawe.

Eksodas 37:16 ပူးပေါင်းရင်းမြစ်များ

1 Kings 7:50

an olketa dis, an olketa samting fo kilim lam, an olketa dis fo karim insens, an olketa savol fo karim asis wea hemi gohed fo laet. An olketa hins blong tufala doa blong Barava Tambu Rum, an blong tufala doa blong bikfala rum blong Tambuhaos.

2 Kings 12:13

Seleni ya, olketa no yusim fo peim olketa samting wea olketa wakem long silva, an olketa no yusim fo peim olketa samting fo mekem wosip, olsem olketa kap, an olketa besin, an olketa trampet, an olketa tul fo klinim wik blong laet, an olketa narafala samting tu wea olketa wakem long silva o long gol.

Eksodas 25:29

An yu mas wakem evrisamting fo yusim long tebol ya long barava nambawan gol. Hem nao olketa plet an besin, wetem olketa kap an botol wea bae yu yusim fo putum waen wea yu ofarem kam long mi.

Eksodas 37:17

Olketa wakem Spesol Frem fo putum sevenfala lam antap long hem, long barava nambawan gol. Olketa hamarem gol ya fo mekem botom an pos blong hem. Olketa kap fo putum oel lam antap long hem, olketa mekem olketa kap ya fo luk olsem flaoa, mekem evri pat long hem long wanfala pis gol nomoa.

2 Timoti 2:20

Samfala dis insaet long bikfala haos olketa wakem long gol an silva, an samfala dis olketa wakem long stik o long graon. Samfala long olketa dis ya olketa save yusim nomoa long spesol taem, bat samfala olketa save yusim long enitaem nomoa.