Eksodas 36:8 - Pijin Bible

⁸ Nao from olketa wakaman, evri man hu hemi save duim, olketa wakem Tambu Haostent ya. Olketa ya wakem hem long tenfala pis nambawan waet kaleko an olketa bin yusim blu koton, an papol koton, an red koton fo somap samfala piksa blong olketa enjel long olketa pis kaleko ya.

Pijin Deuterocanon

⁸ Nao from olketa wakaman, evri man hu hemi save duim, olketa wakem Tambu Haostent ya. Olketa ya wakem hem long tenfala pis nambawan waet kaleko an olketa bin yusim blu koton, an papol koton, an red koton fo somap samfala piksa blong olketa enjel long olketa pis kaleko ya.

Eksodas 36:8 ပူးပေါင်းရင်းမြစ်များ

1 Kings 6:23

An hemi garem tufala kaving long enjel wea olketa wakem long timba blong oliv tri. Tol blong tufala kaving ya i kasem foa an haf mita. Tufala enjel ya, olketa putum insaet long Barava Tambu Rum. Tufala i semsem nomoa, an tufala garem wing. Long blong wanfala wing hemi winim tu mita. So stat long en blong wing long wanfala saet go kasem en blong wing long narasaet hemi kasem foa an haf mita.

1 Kronikols 15:1

King Deved hemi bildim olketa haos blong hem seleva long Jerusalem. An hemi redim tu wanfala ples wea hemi putumap wanfala haostent fo kipim Tambu Boks blong God long hem.

2 Kronikols 1:3

Hemi talem olketa fo go wetem hem long tambuples long taon long Gibeon. Olketa go long dea, bikos Tambu Haostent hemi stap yet long hem. Hem nao Tambu Haostent wea Mosis hu hemi wakaman blong Yawe, hemi bin wakem long drae eria.

2 Kronikols 3:10

Olketa wakem tufala kaving blong enjel an kavarem tufala ya long gol. Olketa putum tufala kaving ya long Barava Tambu Rum.

Eksodas 25:18

Bae yu mas wakem tufala kaving blong enjel wea i garem wing long gol wea yu hamarem. An yu mas putum tufala enjel ya antap long tufala en blong kava,

Eksodas 25:22

Antap long kava blong boks ya, long midol long tufala enjel, bae mi kam long ples ya fo mitim yu, an bae mi givim olketa lo blong mi long yu, wea bae yufala pipol blong Israel mas falom.”

Eksodas 31:6

An mi siusim finis tu Oholiab, san blong Ahisamak long traeb blong Dan, mekem hemi helpem hem. An mi bin givim finis tu bikfala save long olketa narafala man mekem olketa save wakem evrisamting wea mi talem long yu.

Eksodas 31:7

Evrisamting wea bae olketa mas wakem nao hemi olsem: Tambu Haostent fo Mitim God, an Tambu Boks long Spesol Agrimen blong mi, wetem kava blong hem, an olketa narafala samting moa blong Tambu Haostent ya.

Eksodas 35:10

Mosis hemi gohed fo tok olsem long olketa, “Evriwan long yufala hu i save gudfala long hao fo duim olketa waka ya, olketa mas kam nao an wakem olketa samting wea Yawe hemi talem yumi fo wakem.

Eksodas 36:9

Olketa makem tenfala pis kaleko ya long sem saes, wea longfala blong olketa evriwan i kasem 12 mita 60 sentemita, an waed blong olketa evriwan i kasem 180 sentemita.

Eksodas 39:3

Fo mekem koton ya long gol, olketa tekem samfala gol an hamarem go-go hemi barava flat fogud, nao olketa katem long olketa barava longfala pis mekem hemi olsem koton. Nao olketa hu i save duim, i tekem nambawan waet kaleko an wakem efod ya long disfala koton long gol wetem olketa narafala koton ya wea hemi blu, an papol, an red.