Eksodas 36:35 - Pijin Bible

³⁵ Olketa somap wanfala bikfala kaleko moa. Olketa man hu i save duim, olketa tekem nambawan waet kaleko, an blu koton, an papol koton, an red koton, den olketa somap olketa piksa blong olketa enjel long bikfala kaleko ya.

Pijin Deuterocanon

³⁵ Olketa somap wanfala bikfala kaleko moa. Olketa man hu i save duim, olketa tekem nambawan waet kaleko, an blu koton, an papol koton, an red koton, den olketa somap olketa piksa blong olketa enjel long bikfala kaleko ya.

Eksodas 36:35 ပူးပေါင်းရင်းမြစ်များ

Eksodas 26:1

Yawe hemi gohed fo tok olsem long Mosis, “Bae yu mas wakem Tambu Haostent blong mi long tenfala pis long nambawan waet kaleko. Yu mas dekoretem olketa long blu koton, an papol koton, an red koton. An wanfala man hu hemi save duim, hemi mas somap samfala piksa blong olketa enjel long olketa pis kaleko ya.

Eksodas 30:6

Oraet, yu mas putum disfala olta insaet long Tambu Rum long saet kam long bikfala kaleko wea hemi hang long frant long Tambu Boks long Spesol Agrimen blong mi wetem kava blong hem. Hem nao ples wea bae mi mitim yu.

Eksodas 36:34

Olketa bin kavarem olketa timba frem long gol. An olketa putum olketa ring long gol long olketa frem fo holem olketa longfala pis timba ya. An olketa kavarem olketa longfala pis timba long gol tu.

Eksodas 36:36

An olketa wakem fofala pos long timba blong akesia tri, an kavarem olketa pos ya long gol. An olketa wakem fofala spesol botom fo olketa pos ya long silva, an olketa botom i barava fitim gudfala olketa pos ya. Olketa wakem tu olketa huk long gol, fo putum antap long olketa pos ya fo hangem bikfala kaleko ya long olketa.

Eksodas 40:21

Den hemi tekem Tambu Boks an putum go insaet long Tambu Haostent, an hemi tekem bikfala kaleko ya fo divaedem rum long tufala haf, an hangem go fo satem ples wea Tambu Boks hemi stap long hem, barava olsem wea Yawe bin talem.

Matiu 27:51

Long semtaem tu, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom. An etkuek hemi sekem graon, an hemi mekem olketa bikfala ston fo brek.

Hibrus 10:20

Yumi save go falom disfala niufala wei wea hemi garem laef, an wea hemi gotru long disfala bikfala kaleko wea hem satem rum ya. Jisas nao hemi openem disfala wei finis taem bodi blong hem hemi dae long kros.