Eksodas 36:29 - Pijin Bible

²⁹ Tufala frem long kona i joen gudfala, stat long botom go-go kasem gol ring antap long frem ya. An olketa wakem tufala kona frem ya long disfala sem wei nao.

Pijin Deuterocanon

²⁹ Tufala frem long kona i joen gudfala, stat long botom go-go kasem gol ring antap long frem ya. An olketa wakem tufala kona frem ya long disfala sem wei nao.

Eksodas 36:29 ပူးပေါင်းရင်းမြစ်များ

Sams 122:3

Biktaon ya long Jerusalem, olketa wakembaek gudfala tumas. An evrisamting long hem i stret an barava luknaes fogud.

Sams 133:1

Hemi barava gud tumas taem olketa pipol blong God i wanmaen an stap tugeta gudfala.

Eksodas 26:24

Tufala frem long kona mas joen gudfala, stat long botom an go kasem kolsap long gol ring antap long frem ya. Yu mas wakem tufala kona frem ya long disfala sem wei nao.

Eksodas 36:28

Olketa wakem tufala narafala frem fo stap long tufala kona long bihaen.

Eksodas 36:30

So, olketa bin wakem eitfala frem ya olsem, an wakem sikstinfala botom long silva mekem olketa frem ya i stanap long hem.

Aposol 2:46

Long evri de, olketa save hipap tugeta long disfala Tambuhaos blong God. An olketa gohed fo kaikai tugeta long olketa deferen haos blong olketa, an olketa save hapi tumas, an olketa save helpem eniwan long kaikai nomoa.

Aposol 4:32

Nao olketa pipol hu i biliv, olketa stap wanmaen, an no eniwan hemi tingim olsem enisamting hemi garem, hemi blong hem seleva nomoa. Nomoa ya. Olketa samting blong olketa, hemi blong olketa evriwan nomoa ya.

1 Korin 1:10

Nao olketa Kristin fren, mi tokstrong long yufala long nem blong Jisas Kraes Masta blong yumi. Yufala mas finis nao from diskaen wei wea yufala divaed olobaot ya, an yufala mas stat fo agri long toktok blong yufala. Yufala mas barava wanmaen finis go-go yufala garem wankaen tingting nomoa an wankaen wei blong yufala nomoa.

1 Korin 12:13

An disfala Holi Spirit ya nomoa hemi bin baptaesim yumi evriwan fo kamap olsem wanfala bodi nomoa, nomata yumi Jiu o yumi no Jiu, nomata yumi slev o yumi no slev. An God hemi givim yumi evriwan disfala Holi Spirit ya nomoa, mekem yumi save kamap strong long hem.

2 Korin 1:10

God hemi bin sevem mifala taem mifala kolsap dae, an bae hemi sevem mifala moa bihaen. Mifala biliv strong dat bae hemi gohed fo sevem mifala moa,

Efesas 2:15

Long dae blong hem, hemi bin finisim disfala Lo blong olketa Jiu wetem enikaen rul blong hem ya, mekem no eniwan hemi nid fo falom moa. An long wei ya nao, hemi mekem tufala kaen pipol fo kamap wanfala niu kaen pipol wea hemi joen wetem hem seleva, mekem tufala fo stap long piis.

Efesas 2:19

So from diswan nao, yufala hu i no Jiu, yufala i no olsem strensa moa ya. Nomoa. Yufala kamap barava pat long olketa pipol blong God distaem, an yufala olketa memba long famili blong hem finis.

Efesas 2:21

An Kraes nao hemi mekem evri pat long haos ya fo stap strong tugeta, an hemi mekem haos ya fo kamap bikfala moa an fo stap olsem Tambuhaos blong Masta.