Eksodas 36:10 - Pijin Bible

¹⁰ Olketa tekem faefala long olketa pis kaleko ya an somap tugeta fo mekem wanfala bikfala kaleko, an olketa duim semsamting long olketa narafala faefala pis kaleko ya.

Pijin Deuterocanon

¹⁰ Olketa tekem faefala long olketa pis kaleko ya an somap tugeta fo mekem wanfala bikfala kaleko, an olketa duim semsamting long olketa narafala faefala pis kaleko ya.

Eksodas 36:10 ပူးပေါင်းရင်းမြစ်များ

Sams 122:3

Biktaon ya long Jerusalem, olketa wakembaek gudfala tumas. An evrisamting long hem i stret an barava luknaes fogud.

Sams 133:1

Hemi barava gud tumas taem olketa pipol blong God i wanmaen an stap tugeta gudfala.

Eksodas 26:3

Yu mas tekem faefala long olketa pis kaleko ya an somap tugeta fo mekem wanfala bikfala kaleko, an yu mas duim semsamting long olketa narafala faefala pis kaleko.

Eksodas 36:11

An olketa mekem olketa ring long blu kaleko an putum long en blong tufala bikfala kaleko ya.

Eksodas 36:9

Olketa makem tenfala pis kaleko ya long sem saes, wea longfala blong olketa evriwan i kasem 12 mita 60 sentemita, an waed blong olketa evriwan i kasem 180 sentemita.

Sefenaea 3:9

?Bae mi mekem toktok blong olketa pipol blong olketa kantri fo kamap stret, mekem olketa prea kam long mi Yawe nomoa. An bae olketa ya save obeim mi tugeta.

Aposol 2:1

Taem hemi kasem disfala Bikde blong Pentekos, olketa ya hu i biliv long Jisas olketa hipap evriwan long wanfala haos.

1 Korin 1:10

Nao olketa Kristin fren, mi tokstrong long yufala long nem blong Jisas Kraes Masta blong yumi. Yufala mas finis nao from diskaen wei wea yufala divaed olobaot ya, an yufala mas stat fo agri long toktok blong yufala. Yufala mas barava wanmaen finis go-go yufala garem wankaen tingting nomoa an wankaen wei blong yufala nomoa.

1 Korin 12:20

Bat hemi no olsem, bikos plande deferen kaen haf nao olketa stap, bat bodi nao hemi wanfala nomoa.

1 Korin 12:27

Yufala evriwan tugeta, yufala bodi blong Kraes ya an evriwan long yufala hemi haf long bodi ya.

Efesas 1:23

Sios hemi bodi blong Kraes, an hemi fulap long laef blong Kraes. An laef blong Kraes nao hemi fulumapem evrisamting long evriwea.

Filipae 2:2

So mi askem yufala fo falom diskaen wei wea hemi save mekem mi hapi go moa. Yufala evriwan mas stap wanmaen nomoa an yufala mas lavem yufala evriwan, an laef an tingting blong yufala hemi mas wankaen nomoa.

Filipae 3:15

Yumi evriwan hu i grouap strong long biliv blong yumi finis, yumi mas tingabaotem olketa samting ya long diskaen wei. An sapos samfala long yufala garem deferen tingting long hem, God nao bae hemi stretem diswan long olketa.