Eksodas 35:34 - Pijin Bible

³⁴ Yawe hemi givim save long hem an long Oholiab, san blong Ahisamak long traeb blong Dan, mekem tufala save tisim olketa narafala man hao fo duim diskaen waka ya.

Pijin Deuterocanon

³⁴ Yawe hemi givim save long hem an long Oholiab, san blong Ahisamak long traeb blong Dan, mekem tufala save tisim olketa narafala man hao fo duim diskaen waka ya.

Eksodas 35:34 ပူးပေါင်းရင်းမြစ်များ

2 Kronikols 2:14

Dadi blong hem hemi man blong Taea, an mami blong hem hemi long traeb blong Naftali. Hemi savegud tumas long wei fo wakem olketa samting long gol, an silva, an bras, an aean, an ston, an timba. An hemi savegud tu long wei fo somapem olketa samting long kaleko wea hemi blu, o red, o papol, an long nambawan waet kaleko tu. Hemi save mekem kaving long enikaen samting barava olsem yufala talem long hem. Hemi gud fo yu letem hemi waka wetem olketa wakaman blong yu, an wetem olketa wakaman wea i bin waka fo King Deved hu hemi dadi blong yu.

Esra 7:10

Yawe hemi gohed fo helpem olketa, bikos Esra hemi wakahad tumas fo lanem an obeim Lo blong Yawe, an hemi gohed fo tisim olketa blong Israel long olketa lo an olketa rul ya wea hemi stap long buk long Lo ya.

Esra 7:27

Nao Prist Esra hemi tok olsem, “!Yumi mas preisim Yawe God blong olketa grani blong yumi bifoa! Hemi waka insaet long tingting blong king, mekem king ya hemi tinghae long Tambuhaos ya blong Yawe long Jerusalem.

Eksodas 31:6

An mi siusim finis tu Oholiab, san blong Ahisamak long traeb blong Dan, mekem hemi helpem hem. An mi bin givim finis tu bikfala save long olketa narafala man mekem olketa save wakem evrisamting wea mi talem long yu.

Eksodas 35:33

Hemi save katem tu olketa gudfala ston wea i luknaes fo dekoretem olketa samting, an hemi save mekem olketa samting tu long timba. An hemi save tumas tu hao fo duim evri narafala waka moa olsem.

1 Korin 12:7

Holi Spirit hemi somaot paoa blong hem long evriwan long yumi, mekem yumi save helpem evri pipol nomoa.