Eksodas 35:23 - Pijin Bible

²³ An evriwan wea hemi garem olketa nambawan waet kaleko, an koton wea hemi blu, o papol, o red, an kaleko wea olketa wakem long hea blong nanigot, o skin blong man sipsip wea hemi red, o nambawan skin blong jiukong, olketa tekem kam nao.

Pijin Deuterocanon

²³ An evriwan wea hemi garem olketa nambawan waet kaleko, an koton wea hemi blu, o papol, o red, an kaleko wea olketa wakem long hea blong nanigot, o skin blong man sipsip wea hemi red, o nambawan skin blong jiukong, olketa tekem kam nao.

Eksodas 35:23 ပူးပေါင်းရင်းမြစ်များ

1 Kronikols 29:8

An olketa hu i garem olketa barava nambawan ston, olketa kam givim go long Jehiel wea hemi lukaftarem olketa gudfala samting wea i fo wakem Tambuhaos ya. Jehiel ya hemi long laen blong Geson.

Eksodas 35:22

Olketa man an olketa woman tu hu i laek fo givim olketa samting go long Yawe, olketa tekem kam olketa naes samting wea olketa wakem long gol, olsem olketa smolfala huk fo putum long kaleko, an olketa iaring, an olketa ring, an olketa sen fo hangem long nek. Olketa liftimap olketa gol samting ya olsem ofaring fo somaot dat samting ya hemi blong Yawe an hemi tambu.

Eksodas 35:24

Evriwan hu hemi save givim silva o bras olsem ofaring long Yawe fo disfala waka ya, olketa tekem kam tu. An olketa hu i garem timba blong akesia tri wea hemi fitim fo yusim long waka ya, olketa tekem kam tu.

Eksodas 39:1

Besalel wetem olketa narafala man ya i wakem olketa spesol kaleko fo olketa prist long blu koton, an papol koton, an red koton. Olketa spesol kaleko ya, olketa prist i werem long taem wea olketa duim waka insaet long Tambu Rum. An olketa wakem tu olketa spesol kaleko fo Eron, barava olsem wea Yawe bin talem long Mosis nao.