Eksodas 32:16 - Pijin Bible

¹⁶ God seleva nao bin mekem tufala ston ya, an hem seleva nao bin katem olketa toktok long tufala ston ya.

Pijin Deuterocanon

¹⁶ God seleva nao bin mekem tufala ston ya, an hem seleva nao bin katem olketa toktok long tufala ston ya.

Eksodas 32:16 ပူးပေါင်းရင်းမြစ်များ

Stori abaotem Job 19:24

Ya, mi laekem samwan fo tekem wanfala sisel, an katem go toktok blong mi antap long wanfala ston, mekem hemi no save lus enitaem.

Eksodas 31:18

Taem Yawe hemi tok finis wetem Mosis antap long maonten long Saenae, hemi tekem tufala flat ston wea hemi bin katem finis Tenkomanmen long tufala, an hemi givim kam long Mosis.

Eksodas 32:15

Mosis hemi lusim maonten ya, an hemi kamdaon nao. Hemi karim kam tufala flat ston wea Yawe hemi bin raetem Spesol Agrimen blong hem long tufala saet blong tufala.

Eksodas 32:17

Josua hemi joenem moa Mosis taem hemi kamdaon from antap long maonten ya, an hemi herem noes blong olketa pipol wea i gohed fo singaot bikfala, nao hemi tok olsem long Mosis, “Mi herem noes olsem olketa enemi i kam faetem olketa pipol blong yumi.”

Eksodas 34:1

Yawe hemi tok moa olsem long Mosis, “Yu mas katem tufala flat ston moa olsem tufala ya fastaem, an bae mi raetem moa olketa toktok long tufala olsem wea hemi stap long tufala wea yu bin brekem.

Eksodas 34:4

So, Mosis hemi katemaot tufala ston moa olsem tufala hemi garem fastaem. An long eli moning long neks de, Mosis hemi karim tufala ston ya an hemi goap long maonten long Saenae, olsem wea Yawe bin talem long hem.

2 Korin 3:3

An hemi klia dat Kraes nao hemi raetem disfala leta wea hemi kamaot long waka blong mifala. Disfala leta, Kraes hemi no raetem wetem ingk, bat hemi raetem wetem Spirit blong God hu hemi laef. An hemi no raetem antap long flat ston, bat hemi raetem insaet long haat blong yufala.

2 Korin 3:7

Waka blong Lo wea olketa raetemdaon long tufala ston, hemi mekem pipol fo dae. An disfala Lo hemi kam wetem saen blong bikfala paoa blong God, wea hemi saen kam long fes blong Mosis. An nomata disfala saen long fes blong hem hemi go-go fo lus, olketa pipol olketa no save luk go long fes blong hem.

Diutronomi 10:1

Oraet, Mosis hemi gohed fo tok olsem, “Long datfala taem, Yawe hemi tok olsem long mi, ‘Mosis. Yu mas katem tufala flat ston moa olsem tufala fastaem. An yu mas wakem wanfala boks long timba. An yu mas kam antap long maonten.

Diutronomi 9:15

“So mi kamdaon moa from maonten taem bikfala faea hemi gohed. An mi karim tufala ston blong agrimen.

Hibrus 8:10

Hem ya nao disfala niufala spesol agrimen wea bae mi mekem wetem olketa pipol blong Israel. Bae mi putum lo blong mi insaet long maen blong olketa, an bae mi raetemdaon long haat blong olketa. Bae mi nao God blong olketa, an bae olketa i kamap moa spesol pipol blong mi.