Eksodas 30:31 - Pijin Bible

³¹ Bae yu mas tok olsem long olketa pipol blong Israel, ‘Hem nao tambu oel fo makem olketa samting blong Yawe, an olketa prist nomoa mas yusim olsem olowe nao.

Pijin Deuterocanon

³¹ Bae yu mas tok olsem long olketa pipol blong Israel, ‘Hem nao tambu oel fo makem olketa samting blong Yawe, an olketa prist nomoa mas yusim olsem olowe nao.

Eksodas 30:31 ပူးပေါင်းရင်းမြစ်များ

Sams 89:20

Mi nao mi kapsaetem tambu oel go long hed blong wakaman blong mi Deved. Ya, hem ya fo somaot dat mi nao bin siusim hem fo hemi kamap king.

Eksodas 29:21

Yu mas tekem samfala blad wea hemi stap antap long olta, an miksim wetem lelebet tambu oel, an yu splasem go isi long Eron, an long olketa spesol kaleko blong hem. An yu mas splasem go isi tu long olketa san blong hem, an long olketa spesol kaleko blong olketa ya. An long wei ya nao, bae yu mektambu long Eron an olketa san blong hem, wetem olketa spesol kaleko blong olketa.

Eksodas 30:30

An bae yu mas kapsaetem go lelebet tambu oel ya antap long hed blong Eron, an long olketa san blong hem, an yu mas mektambu long olketa fo kamap prist fo duim waka fo mi.

Eksodas 30:32

Yufala mas no kapsaetem tambu oel ya go long eni man hu hemi no prist, an yufala mas no miksim olketa semsamting wea hemi garem gudfala smel, fo wakem semkaen oel blong yufala seleva. Oel ya hemi tambu, an yufala mas tinghevi long hem.

Eksodas 37:29

Olketa barava wakem gudfala disfala tambu oel fo mektambu long olketa samting. An olketa barava wakem gudfala tu disfala tambu insens wea hemi garem gudfala smel.

Levitikas 21:10

“Man hu hemi hae prist, wea olketa bin kapsaetem tambu oel go long hed blong hem, an wea olketa mektambu long hem fo werem olketa spesol kaleko blong hae prist, hemi holi. So taem eniwan long famili blong hem hemi dae, hemi no save duim olketa samting fo somaot dat hemi sore, olsem hemi mas no brekem kaleko blong hem, an hemi no save falom disfala wei fo no komem hea blong hem. Nomata man hu hemi dae hemi dadi blong hem o mami blong hem, hemi tambu fo hemi go long bodi an mekem hem seleva fo kamap no klin long ae blong mi. An hemi no save goaot from tambu ples blong mi fo berem bodi, bikos hemi mekem tambu ples blong mi, God blong hem, fo no klin long ae blong mi. Hemi olsem bikos olketa bin mektambu long hem wetem tambu oel blong mi. Hemi mas falom olketa samting ya bikos mi nao Yawe.

Levitikas 8:12

Bihaen, hemi kapsaetem oel ya go long hed blong Eron fo mektambu long hem.