Eksodas 30:23 - Pijin Bible

²³ “Bae yu mas tekem olketa samting wea hemi garem barava gudfala smel olsem: siksfala kilo nambawan maa, an trifala kilo kinamon, an trifala kilo kenebosem,

Pijin Deuterocanon

²³ “Bae yu mas tekem olketa samting wea hemi garem barava gudfala smel olsem: siksfala kilo nambawan maa, an trifala kilo kinamon, an trifala kilo kenebosem,

Eksodas 30:23 ပူးပေါင်းရင်းမြစ်များ

1 Kings 1:39

Den Sadok hemi tekem kam tambu oel an kapsaetem go long hed blong Solomon fo mektambu long hem. An olketa bloum trampet, an olketa pipol i singaot bikfala olsem, “!King Solomon, yu nao king olowe!”

1 Kronikols 9:29

An samfala long olketa bin lukaftarem olketa narafala tambu samting, an flaoa, an waen, an oliv oel, an insens, an olketa samting fo mekem tambu oel hemi smel naes.

1 Kronikols 9:30

Bat samfala prist nomoa i garem raet fo miksim olketa samting ya fo wakem insens an tambu oel.

Sams 45:8

Olketa gohed fo putum insens an oel wea i smel naes long kaleko blong yu. Olketa man i pleim miusik fo mekem yu hapi, insaet long olketa gudfala haos blong yu wea i barava luk spesol fogud.

Eksodas 25:6

oliv oel fo laet, olketa lif ya wea hemi garem gudfala smel fo putum go long insens, an fo putum long tambu oel ya fo mektambu long olketa man an olketa samting,

Eksodas 30:22

Yawe hemi gohed fo tok olsem long Mosis,

Eksodas 30:24

an siksfala kilo long kidam. Yu mas skelem olketa long spesol skel blong olketa prist. Yu mas tekem fofala lita long oliv oel,

Eksodas 31:11

an Tambu Oel ya fo mektambu long olketa samting ya fo mi, an Insens wea hemi garem gudfala smel, wea olketa prist bae i gohed fo yusim long Tambu Rum. Olketa mas wakem olketa samting ya, barava olsem wea mi bin talem long yu.”

Eksodas 35:28

An olketa tekem kam oliv oel fo putum long olketa lam an fo wakem tambu oel fo mektambu long olketa samting. An olketa tekem tu olketa lif wea i garem gudfala smel, fo putum insaet long tambu oel ya, an fo putum long insens.

Eksodas 37:29

Olketa barava wakem gudfala disfala tambu oel fo mektambu long olketa samting. An olketa barava wakem gudfala tu disfala tambu insens wea hemi garem gudfala smel.

Provebs 7:17

Olketa insens wea i barava smel naes tumas, mi rabem finis tu long bed blong mi.

Nambawan Singsing 1:13

Daling blong mi, mi barava laekem yu tumas. Taem yu leidaon wetem mi yu olsem wanfala samting wea hemi barava smel naes tumas, hemi stap midol long tufala susu blong mi.

Nambawan Singsing 1:3

Mi laekem tumas smel blong disfala oel wea hemi smel naes tumas long bodi blong yu. An nem blong yu tu hemi here naes olsem suit smel blong disfala oel. Hem nao olketa gele save laekem yu tumas.

Aesaea 43:24

Bat yufala nating peim nomoa eni insens fo bonem kam long mi. An yufala no bonem nomoa eni gris blong animol fo mekem olketa sakrifaes wea mi hapi long hem. Wanem yufala duim nao, yufala mekem mi fo karihevi long olketa sin blong yufala, an mi taet finis long olketa nogud wei blong yufala.

Jeremaea 6:20

!Olketa pipol blong mi! Nomata yufala ofarem kam long mi barava nambawan insens wea olketa tekem kam long kantri long Seba, o eni narakaen gudfala insens tu wea olketa tekem kam from farawe, bat bae mi no laekem olketa samting ya. Mi les long olketa sakrifaes wea i barava bone fo mekem wosip long mi, an mi no save hapi long olketa narafala sakrifaes tu wea yufala gohed fo mekem kam.”

Esikiel 27:22

“Olketa bisnisman long kantri long Seba wetem olketa bisnisman long taon long Raama i gohed fo mekem bisnis wetem yu, bikos olketa peim olketa gudfala samting blong yu long olketa barava spesol ston, an gol, an olketa nambawan samting fo mekem kaikai hemi test gud.

Nambas 4:16

“Nao Eleasa, san blong Haeprist Eron, hemi prist fo lukaftarem Tambu Haostent wetem evrisamting wea hemi stap long hem. Olketa samting ya nao i oel blong olketa lam long Spesol Frem fo putum Lam, an spesol insens, an olketa nambawan flaoa blong sakrifaes, an disfala oel fo mektambu long olketa samting, an olketa narafala tambu samting blong Tambu Haostent.”

1 Samuel 10:1

Den hemi tekem wanfala smol botol oliv oel an hemi kapsaetem go long hed blong Sol, an hemi kisim hem, den hemi tok olsem, “Yawe hemi bin siusim yu finis fo kamap king an lidim pipol blong Israel.