Eksodas 30:17 - Pijin Bible

¹⁷ Yawe hemi gohed fo tok olsem long Mosis,

Pijin Deuterocanon

¹⁷ Yawe hemi gohed fo tok olsem long Mosis,

Eksodas 30:17 ပူးပေါင်းရင်းမြစ်များ

1 Kings 7:23

Nao Huram hemi wakem wanfala bikfala raon tangk long bras. Hae blong hem hemi winim tu mita, an insaet long hem, stat long wanfala saet go kasem nara saet, hemi kolsap foa an haf mita, an saes blong hem fo goraonem aotsaet blong hem hemi tetin an haf mita.

1 Kings 7:38

An hemi wakem tenfala bikfala besin, an hemi putum olketa long olketa kaat ya. Bikfala besin ya, stat long wanfala saet go kasem nara saet, hemi wan mita an eiti sentemita. An wanfala besin ya hemi save holem samting olsem 880 lita.

2 Kronikols 4:6

An olketa wakem tenfala bikfala besin, an olketa putum faefala long saot saet long Tambuhaos, an nara faefala long saet long not. Olketa besin ya i fo olketa prist i yusim fo wasim olketa mit blong sakrifaes wea i bone. An wata wea hemi stap insaet long bikfala tangk ya hemi fo olketa prist i yusim fo suim.

Eksodas 30:16

Yu mas tekem seleni ya from olketa, an yusim fo lukaftarem Tambu Haostent fo Mitim God. Disfala seleni hemi fo mekem olketa long Israel fo tingim dat olketa mas peimaot laef blong olketa long ae long Yawe.”

Eksodas 30:18

“Bae yu mas wakem wanfala besin long bras an yu mas yusim bras fo wakem botom fo besin hemi stap long hem. Yu mas putum besin ya long midol long disfala olta fo bonem sakrifaes an Tambu Haostent, an yu mas putum wata insaet long hem.

Eksodas 38:1

Olketa wakem olta fo bonem sakrifaes long timba blong akesia tri. Olta ya hemi skuea, wea longfala an waed blong hem hemi kasem 225 sentemita, an hae blong hem hemi kasem 135 sentemita.

Eksodas 38:8

Olketa wakem wanfala bikfala besin an olketa wakem botom blong hem tu. Olketa wakem tufala samting ya long bras from olketa glas wea i blong olketa woman hu i waka long doa blong Tambu Haostent.