Eksodas 29:29 - Pijin Bible

²⁹ “Evri man long laen blong Eron hu hemi kamap hae prist bihaen long Eron, bae hemi mas werem olketa spesol kaleko blong Eron taem olketa mektambu long hem fo kamap hae prist.

Pijin Deuterocanon

²⁹ “Evri man long laen blong Eron hu hemi kamap hae prist bihaen long Eron, bae hemi mas werem olketa spesol kaleko blong Eron taem olketa mektambu long hem fo kamap hae prist.

Eksodas 29:29 ပူးပေါင်းရင်းမြစ်များ

2 Kronikols 13:9

Bat yufala no garem eni barava prist. Yufala bin raosim olketa prist blong Yawe hu i long laen blong Eron, an yufala raosim olketa Livaet tu. Nao yufala bin mektambu long olketa prist blong yufala seleva olsem olketa hiden man i gohed fo duim. Sapos eniwan hemi tekem kam eni man buluka o sevenfala sipsip fo mekem sakrifaes, bae yufala save mektambu long hem fo kamap prist blong olketa god wea i samting nating nomoa.

Eksodas 28:2

Yu mas somap olketa spesol kaleko blong prist fo brata blong yu, Eron, fo hemi luk impoten mekem olketa pipol save tinghae long hem.

Eksodas 29:28

Hem nao rul wea bae olketa pipol blong Israel mas falom olowe nao. Evritaem olketa mekem sakrifaes wea olketa bonem nomoa haf long hem, an olketa kaikaim narafala haf long hem fo somaot dat olketa frengud wetem mi, olketa mas givim tufala haf ya long Eron wetem olketa prist long laen blong hem, fo kaikaim. Hem nao ofaring blong pipol fo mi Yawe.

Eksodas 29:30

Nao taem olketa mektambu long hem fo kamap hae prist bae hemi mas gohed fo werem olketa spesol kaleko ya fo sevenfala de taem hemi kam waka insaet long Tambu Rum long Tambu Haostent fo mitim God.

Eksodas 30:30

An bae yu mas kapsaetem go lelebet tambu oel ya antap long hed blong Eron, an long olketa san blong hem, an yu mas mektambu long olketa fo kamap prist fo duim waka fo mi.

Eksodas 40:15

Oraet, yu mas tekem tambu oel ya moa, an kapsaetem go lelebet long olketa olsem yu duim long dadi blong olketa, fo mektambu long olketa tu fo kamap prist, mekem olketa duim waka fo mi. Disfala wei fo mektambu long olketa prist nao, bae olketa mas yusim olowe nao fo mekem olketa ya an olketa hu bae i bon kam bihaen long olketa, fo kamap prist fo duim waka fo mi.”

Levitikas 16:32

An evri hae prist wea olketa kapsaetem tambu oel long hed blong hem fo mektambu long hem fo sensim dadi blong hem, hem save duim olketa samting fo tekemaot sin blong olketa pipol taem hemi werem olketa spesol kaleko blong hae prist.

Levitikas 8:1

Yawe hemi tok olsem long Mosis,

Nambas 18:8

Yawe hemi gohed fo tok olsem long Haeprist Eron, “Yu save, evri tambu ofaring from pipol blong Israel wea hemi no barava bone, bae mi givim olketa ofaring ya long yu an olketa long laen blong yu. Olketa samting ya i blong yufala evritaem nao.

Nambas 35:25

“Sapos olketa save dat dae blong man hemi aksiden nomoa, oraet, olketa mas stopem wantok blong disfala man dae fo no duim enisamting long man hu hemi kilim dae. An olketa mas tekem hem go long wanfala taon fo haed. An hemi mas stap kam long taon ya go-go kasem taem wea Haeprist blong datfala taem hemi dae.